Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Biggest ever Sabah contingent for Sukma |  Straight fight for Safa presidency |  Man sought for spearing wife |  Wildlife unit’s swift actions save jumbo |  Man tries political ties to get druggie sons off |  Stand-up comedian Harith Iskander to perform at SHAREDA Nite |  Bangkok-KK route will boost state's tourism |  KPJ Healthcare records RM44.6 mln Q2 net profit |  CIDB urges industry to adopt QLASSIC |  Polinta moguhud misokodung miampai Indonesia monoodo talun-alun tagazo |  Komulakan kusai natagak nokito poinhabu id tenggara Pulou Timbun Mata |  Podtuhudan potihombus Bangkok- Kota Kinabalu kopoinsavat kotombuhuzan |  25 pelajar Universiti Wuyi China sertai Kursus Kejuruteraan di UMS |  Cuba lepaskan anak ditahan AADK, ayah guna nama parti |  APMM Semporna rampas minyak petrol | 
 Kadazan Dusun

APMM minanahan 52 tulun pakakaraja’ bagang songkosuayan

9th February, 2018

Di NAZRINI BADARUN

TAWAU: 52 pakakaraja’ bagang tinahan do Kotinanan Popoimagonkuasa’ Maritim Malaysia (APMM) i minomorisa’ do onom tinan jongkong id kinoiyonon pialatan 1.56 batu nautika gisom 1.58 batu nautika mantad koibutan Inderahsabah di tadau Kotolu, katatalib.

I Potunud Maritim Watas (PMD) Kepten Maritim Romli Mustafa minoboros do bohogian disio minomorisa’ om minahan koinsanai buut jongkong nokomoi i minogianud-anud om kosuusuayan di kiikiro jaam ko 8.15 kosuabon.

Tumanud disio, pinomorisaan kotilombus nokokito do onom buut jongkong dilo’ minogowit 111 awak-awak kusai om tekong songkosuayan kiumur 12 tisom 65 toun poingowit ninsadaan sada’ bilis om kakamot bagang.

“Pinomorisaan nokoilo do 59 tulun pasanganu dokumen kointutunan tinan di poimagon om pinoidu’ naamot 53 tulun i suai aiso’ nunu-nunu dokumen kointutunan tinan,” ka disio.

Koinsania buut jongkong i pinorisa’ dilo’ ka disio tinahan om nowit sumuang doid Jeti Maritim Malayasia Watas Tawau montok pomorisaan potilombus miampai do Koupisan Imigrisin Tawau.

Minoboros i Romli do koinsanai awak-awak i aiso’ dokumen kointutunan tinan tinahan montok ponoriukan id sahau Akta Imigrisin 1959/63 om aanu dawahon id sahau Seksyen 6(1)(c ) akta di miagal.

“Nung gompit kasalaan aanu mamadanda’ amu’ katalib do RM10,000 toi jiil montok timpu amu’ katalib limo toun toi ngoduuduo dilo’ om nogi’ papasut amu’ katalib inggonom,” ka disio.

APMM ka disio popoinlipat do kopiantangan montok papatantu’ karaja’ kopoimaganan kuasa’an kotilombus koindalan om pinggisoman mongingkuri’ koponohuban undang-undang id kowoigan Malaysia kosuul no watas Tawau.

Kohondot dilo’, pinokianu disio tulun ginumuan montok sumili ponokomato om tolingo monguhup APMM monoibau potitikid koulalaho’ i kapanahub toi pasansala’ do undang-undang id pomogunan diti.

Nunu-nunu kopointalangan toi ruputan ka disio aanu momoromut ‘hotline’ APMM Tawau id numbur 089-752 115 toi piromutan agaga’ MERS 999.

   
Email Print
   
 
 
E-browse