Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Pertisa dan VOKfm yakin hubungan baik beri manfaat pada artis |  12 sikul id Tuaran kotoimo sakadai RM1 bilion |  Pisokodungan ogirot kapanahak koundaran kumaa artis nokoiyonon |  Seri Mengasih Centre expected to relocate by December |  Masyarakat perlu sentiasa bekerjasama membantu usaha perangi wabak denggi |  Kekaumas berjaya adakan program Sembang Santai bersama No’man |  Ketua Menteri akan rasmi Pesta Gambus Peringkat Negeri Ahad ini |  Pengampunan 2.0 diadakan di Inanam 24 dan 25 Feb ini |  Institusi JKKK penting tarik penglibatan rakyat majukan luar bandar: Musa |  Winning start for Juniors |  Jesselton Reds anniversary dinner on March 17 |  Luton A outgun Luton C in decider |  Football legends can transform youngsters into better players |  A clinical psychologist in East Malaysia |  Brazen street brawl caught police attention | 
 Kadazan Dusun

"Tapir Malaya" kumoduo nosusu id Jipun

9th February, 2018

KOTA KINABALU: Pinibatosan Ababayan ‘Konservasi Tapir Malaya’ id pialatan do Malaysiao m Jipun i sinoinan di ko 13tw Kohopod 2015, nokopokito asil do insan po miampai kinosusuon tanak Tapir Malaya kumoduo mantad sapasang tapir i pinaatod doid Nagasaki Biopark di ko 4tw Kohopod om Duo 2015.

Tumanud kopointalangan pinalabus do Komontirian Tadon Sanda om Sandad Posorili’ i pinaatod maya’ emel do hiti konihab, Tanak Tapir Malaya tontoluhan i nosusu di ko 2tw Kohopod om Duo 2017 dilo’ pinungaranan do i ‘Jam’ ilo’ nopo nga’ tolu pimato kumolimpuunon boros ‘Jambatan’ i koowit rati om kalansanan kinosusuon diti kosili sunsuyon piombolutan ngoduuduo pomogunan Malaysia om Jipun.

I Jam kiwinagat do 9.5 kg di ontok nosusu om nokosigampot do winagat 51kg gisom di ko 5tw Koduo 2018. Ngoduuduo tina’ om tanak dilo’ id koyuon di olidas.

Tapir Malaya mikombiso’ dilo’ io’ Im dii Bertam, pinaatod doid Jipun id sahau pinibatosan nokomoi montok timpu 10 toun (2015-2025), sopipoopori do kiumur 3 toun sombulan om 3 toun 9 wulan di ontok dilo’.

Tumanud pinibatosan dilo’, Tapir Malaysia nogi’ nombo-nombo tanak di osusu maya’ kapaanakan dilo’ pasanganu do koporintaan Malaysia.

Naamot dino, Nagasaki Biopark kitonggungan papatantu’ kapanamangan om kopongusapan bobos tosonong kohondot do Tapir Malaya id sahau panamangan dau maya’ katatapan ngaawi’ i poinsuang doid pinibatosan dilo’. Ababayan konservasi diti piantangan do Koupisan Pongumoligan Mamaamasi Tosiau om Taman Negara (Koupisan PERHILITAN) id koobian do koporintaan Malaysia.

Di ontok kinotombuluyan tapantang di Porosidin Bio Par Co. Ltd, Nagasaki, Jipun i Satoshi Yamaguchi om tinonudan kohondot di Montiri Tadon Sandad om Sandad Posoosorili’ i Datuk Seri Dr Wan Junaidi Tuanku Jaafar di kaawagu diti, piipiro ahal kapaampai pinggisoman pisokodungan ababayan Konservasi Tapir Malaysia nopibaabarasan om pinaatag kaampai no angkab do Nagasaki Biopark montok popoiyon do tanak Tapir Malaya id zoo suai doid Jipun.

Naamot dino komontirian poinggompit mogintong do upalai dilo’ kaampai no monorisid di kosudongan om kosodiaan zoo i mamaramit do tanak Tapir Malaya nokomoi.

Ababayan dilo’ pikiikiro kapanahak koundaran kumaa ngoduuduo pogun mantad sunduk pinggisoman konservasi mamamasi tosiau, kopotundaan kabaahan sitaf, ponolidikan om piromutan ‘diplomatik id pialatan ngoduuduo pomogunan.

Tapir Malaya nopo nga’ ponit tapir i bobos tagayo id pialatan di apat ponit tapir pomogunan om nogi’ i iso’ no ponit kiwotik oitom-opurak om mamaamasi tosiau i noundoronok id Semenanjung Malaysia.

Tintob Tapir Malaya id Semenanjung Malaysia nokotoguang katagakon iyon-iyonon om ‘roadkills’. Pikiikito do Tapir Malaya nopo nga’ 1,100 gisom 1,500 tinan id Semenanjung Malaya.

   
Email Print
   
 
 
E-browse