Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Inatangan “Lau Sang” soor ra Malleh Square Tonom |  'Wayang Pacak',membuatkan penduduk kampung teruja |  Masjid Bandaraya berpotensi jadi daya tarikan dakwah |  MPS orak langkah positif pacu pembangunan kelas pertama |  Premis alat ganti musnah dalam kebakaran |  Lelaki tempatan maut tertembak rakan |  Tiada maklumat aktiviti keganasan sepanjang 2017 |  Ribuan kunjungi pesta Tahun Baharu Cina 1Malaysia di Solimpodon Laut |  Perintah berkurung di ESSZONE dilanjut hingga 6 Mac |  Semangat ‘kekitaan’ dapat majukan ekonomi negeri: KM |  Locksley impressive in Time Attack Challenge |  Aiyyman: U-19 squad physically, mentally fit |  Setiu’s shrimp aquaculture park expects RM12 mln profit |  Get the Huawei Mate 10 at an amazing discount |  More action needed to stop EU’s palm oil ban | 
 Kadazan Dusun

PDRM, ATM miboos kokomoi pisokodungan do puu montok RCP

10th February, 2018

LAHAD DATU: Maso miboos o Pulis Diraja Malaysia (PDRM) om Tinimungan Susumangod Malaysia (ATM) kokomoi pisokodungan do piomungan puu id ponuidongan hongkod pomolisaan dinda toi Road Check Point (RCP) id Kalabakan, Tawau, Telupid om Beluran.

Minoboos i Potunud Koupisan Koumohigan Suang Pogun om Kotoonongan Tuhun Ginumuan Bukit Aman, i Datuk Seri Zulkifli Abdullah, do pisokodungan diho kiguno id kopoonjulan RCP, iho nopo nga pinggisoman pomo’uangan do Uvang Koumohigan Poimbida Disan Kohisaon Sabah (Esscom) montok popogiot panamangan koumohigan id Zon Toumohig Kohisaon Sabah (Esszone).

“Pinggisoman kopoonjulan iho nopo nga montok manahob dati do kaantakan mogisuusuvai ahal pogohimuvan kaampai no pamadagangan tuhun id uvang dinda Esszone,” ka disido di ontok tuubungo id Upis Tinimungan Pulis Marin, doiti kopiondot kotombuhuzan kalaja disido di koniab.

Id sampaping do RCP ka disido, Esscom nga monuidong nogi haang manahob pogohimuvan id daat Esszone maza kopoonjulan do Sea Check Point (SCP) id Pulau Berhala id Sandakan, Pulau Siamil id Semporna om Pulau Karakit id Kudat.

“”Pinggisoman po’uangon diti tuidongon montok mongiho kozo do Sabah kotindooi do oumohig mantad tunduunok dahabus i au noihaan,” ka vagu disido.

Ontok ponogi diho, minoboos i Zulkifli do ontok di toun nakatahib, soginumu 1,918 momumuhasa i mantad do layat kinoizonon om songkosuvazan minodidikot aiso kavasaan (PATI) tinaan tu kasaan di mogisuusuvai id 1,648 kalaja ponohian toi operasi id Esszone.

Naamot diho ka disido, papapanau o Malaysia do operasi om pinghudaan sangavian do Pogun Molikan om Pulis Sompomogunan (Interpol) ontok vuhan Koduvo om nogi Kotohu diti id Sandakan om Tawau.

“Pisokodungan diti kopogompit do koumohigan maritime om onuon tokou kounalan mantad pisokodungan id koozuvo ‘menang-menang’ diti.

“Balajar tokou do kabaahan teknologi om nogi kabaahan dioho om id sabahik dino,” ka vagu disido.

Kokomoi do Op Maharlika i popogompit nogi do Brunei, Indonesa om Filipin, minoboos i Zulkifli do maso o Malaysia id piboosan id kotihombusan miampai do Interpol i poinhongkod id France diho montok papaanjul Siri Op Maharlika di sumusuut kahapas nakahantoi do pisokodungan id siri di nakatahib.

Id operasi nokomoi, soginumu tuhun tinaan tumanud akta pamadagangan, imigresen om kositum id Malaysia. -Bernama

   
Email Print
   
 
 
E-browse