Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Biggest ever Sabah contingent for Sukma |  Straight fight for Safa presidency |  Man sought for spearing wife |  Wildlife unit’s swift actions save jumbo |  Man tries political ties to get druggie sons off |  Stand-up comedian Harith Iskander to perform at SHAREDA Nite |  Bangkok-KK route will boost state's tourism |  KPJ Healthcare records RM44.6 mln Q2 net profit |  CIDB urges industry to adopt QLASSIC |  Polinta moguhud misokodung miampai Indonesia monoodo talun-alun tagazo |  Komulakan kusai natagak nokito poinhabu id tenggara Pulou Timbun Mata |  Podtuhudan potihombus Bangkok- Kota Kinabalu kopoinsavat kotombuhuzan |  25 pelajar Universiti Wuyi China sertai Kursus Kejuruteraan di UMS |  Cuba lepaskan anak ditahan AADK, ayah guna nama parti |  APMM Semporna rampas minyak petrol | 
 Kadazan Dusun

Sabah haro atlet i aanu pointangaon id sipoot lasak

10th February, 2018

Di RAPHIEL PINUS

KOTA KINABALU: Sabah pasanganu bakat i aanu pointangaon montok sipoot lasak kaagal do duathlon.

I Ponorikohon Kelab Pominat Sipoot Ekstrem Sabah om Labuan Steve Johnny Mositun minoboros, kotumbayaan dilo’ mimpau di naangayan po’ompus i kounsub kopio di tongo’ atlet nokoiyonon doid mogisusuai abaabayan sipoot lasak i atanud diolo’.

Di kaawagu diti, tiim CaseroXCarino i minongobi’ do Sabah id Pinialaan Labuan Duathlon Challenge(LDC) nokoindikau tukad koduo, kotolu om koturu’ montok bohogian Team Relay, naamot taang koduo om ko’onom montok Kokusaian Veteran.

Tiim koonduan nga’ nokopokito po nogi’ do koponongkosahapan diolo’ sundung pia do nokoindikau no id tukad kolimo doid bohogian Koonduan Poingukab nokomoi i nokoindalan doid Watas Pisompuruan Labuan di katatalib diti. I Steve i po nogi’ Monorina’ Ababayan lumansan do kotonudan id timpu-timpu dumontol lobi kogumu’ om raramit kounsub mantad tongo’ tutumanud sompogunan.

Naamot dilo’ i Puru Parlimen Labuan Datuk Rozman Datuk Isli minongomi do kinopogonjuran pinialaan di kumoinggapat dilo’ nakalantoi om osonong kopio sundung ruminasam di totuong pogulu nokotimpuun pinigusaan.

Isio i po nogi’ Ponorikohon Perbadanan Labuan monongkounsikou di kinalantaion do kinopogonjuran dilo’ binuruan di Luguan Upisor Eksekutif Perbadanan Labuan i Mohd Zamri Mohd Esa, Potunud Koupisan Ponombuluyan, Koubasanan om Kosonian Perbadanan Labuan i Mahathir Abdul Hamid, suai ko’ kinogompitan do Kelab Pominat Sipoot Ekstrem Sabah / Labuan.

Ababayan dilo’ nakaramit po nogi’ do kosokodungan mantad mogisusuai kotinanan poinggompit wookon nopo nga’ RELA, PDRM Labuan, Pulis Trafik Labuan, Kolidasan Labuan, APM, tongo’ sukarelawan om Koisaan Komulakan Bukit Kuda.

Ka di Rozman, kinogompitan do tongo’ mogiigiyon Labuan i nokotindapou pinopokito sokodung nga’ nokoponoluod po nogi’ do kinalantaion kinopongonjuran ababayan nokomoi suai ko’ kinaampaiyatan di toinsanan tutumanud.

Wookon kokiikitanai di kounsikou no kopio id pinialaan diti baino’ nopo nga’ kinalantaion do tiim Victory Squadron mantad pogun Brunei Darussalam i nokopogulu do duo minit minongiduan di tutumangkus mantad tiim CaseroXCarino i nokoindikau tukad koduo om kotolu.

Tiim suai i monongkiala’ id pigusaan mimbosikol om manangkus dilo’ nopo nga’ kaampai no Bro’s A om Bro’s B (Brunei) om nogi’ Giant KK.

   
Email Print
   
 
 
E-browse