Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Biggest ever Sabah contingent for Sukma |  Straight fight for Safa presidency |  Man sought for spearing wife |  Wildlife unit’s swift actions save jumbo |  Man tries political ties to get druggie sons off |  Stand-up comedian Harith Iskander to perform at SHAREDA Nite |  Bangkok-KK route will boost state's tourism |  KPJ Healthcare records RM44.6 mln Q2 net profit |  CIDB urges industry to adopt QLASSIC |  Polinta moguhud misokodung miampai Indonesia monoodo talun-alun tagazo |  Komulakan kusai natagak nokito poinhabu id tenggara Pulou Timbun Mata |  Podtuhudan potihombus Bangkok- Kota Kinabalu kopoinsavat kotombuhuzan |  25 pelajar Universiti Wuyi China sertai Kursus Kejuruteraan di UMS |  Cuba lepaskan anak ditahan AADK, ayah guna nama parti |  APMM Semporna rampas minyak petrol | 
 Kadazan Dusun

Eksplorasi Klik Miampai Abaa popoingkavas kopiumanan koumohigan internet: Musa

Musa_at_mcmc_event_1_
Musa (poindikai id tanga) om i Mohamad Fuzi (kotohu gibang) miampai tombuhui tapantang do suvai om nogi susumikul miampai do mohoing ngaavi dioho di kahapas kopomoiganan abaabazan nokomoi.

12th February, 2018

SANDAKAN: Kopoonjulan abaabazan Eksplorasi Klik Miampai Abaa, koontok kozo do timpu dino montok monuidong om popoingkavas kopipiumanan do tuhun ginumuan kumaa do koumohigan om pomogunaan Internet miampai abaa.

Minoboos i Vozoon Montili Sabah, Tan Sri Musa Haji Aman, do abaabazan di nazu do Suruhajaya Komunikasi om Multimedia Malaysia (MCMC) diho papavasa do konsep mindau id gana miampai mituubung, papanaon montok monginsomok do tuhun ginumuan om popointahang trend pomogunaan media kavavagu.

“Otumbazaan zou do abaabazan diti kaanu papatanom koubasan pomogunaan positif do media kavavagu montok gunoon do tuhun ginumuan hobi no do tina, tama om susumikul ngaavi,” ka disido di ontok pinopoimagon do Abaabazan Eksplorasi Miampai Abaa: Kosindakon Siber Maza Pambalajalan’, doiti di koniab.

Potindapou nogi i Huguan Pulis Pomogunan Malaysia, Tan Sri Mohamad Fuzi Harun, Huguan Upisol Sektor Koumohigan Pionitan Ponoihian Media Kavavagu MCMC i Dr Fadhlulah Suhaimi Abdul Malek om i Poniikon Koperasi Pulis Diraja Malaysia Berhad, Tan Sri Hussin Ismail.

Minoboos i Musa do miampai kobobohan teknologi om aplikasi media social di poposimban landskap pionitan om kopobuzuan kopoihaan, pinggisoman mamantad kosindakon do siber miampai monuidong impoon kopiumanan do tuhun ginumuan maza pambalajalan mampai pointahang aanu do tinganon.

Ka disido, trend popokito do aplikasi media social popoimbuhai fenomena do tuhun ginumuan di poinhiad montok kaanuan om miihang kopoihaan miampai osikap miampai au momoduli etika pomogunaan om katapatan do kopoihaan.

Pambalajalan nopo nga haang panahoban di tavasi no kozo montok monuidong impoon kopiumanan do tuhun ginumuan, ka disido.

Mantad diho, minoboos isido do pinggisoman do MCMC di pinopotounda mogisuusuvai impoon montok tuhun ginumuan kaampai no abaabazan koumohigan Internet ‘Klik Miampai Abaa’ diti kikomau’an mogia do tuhun ginumuan kokomoi lahan momoguno Internet miampai kitoihaan mipahud do prinsip Rukun Negara i kapaampai savi avi kavasian di gunoon.

Minoboos isido do savi avi boogizan mositi misokodung om miigit bahazan montok tumihombus mamantod kosindakon siber montok monuidong do tuhun ginumaun tosindak i kivaa etika, kikoimaan tohuduk om inovatif.

Ontok abaabazan nokomoi, pinapataak nogi i Musa do ID Hometutor kuminaa doid 30 susumikul om pinopoimagon simbolik Abaabazaan Diploma In Investigation Services Kolej Unikop.

   
Email Print
   
 
 
E-browse