Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Sabah hoping for U-turn on tennis exclusion |  Pelancong China mati lemas |  APMM tahan sebuah bot pam dengan muatan 50kg ikan |  Esscom kekal bagi memastikan keselamatan Sabah: Muhyiddin |  Hanya tiga menteri berani bersuara terhadap Najib: KP SPRM |  Najib tidak ditahan, dua saksi penting akan dipanggil |  Esscom potindoozon montok mongiho kozo do koumohigan Sabah |  Tutumombuhui kusai China nokito do nohonod id Pulau Sibuan |  Kaganapan gunoon kalamazan Kaamatan om Hari raya kouha |  SOGILIT KIHOOGO RM44,820 NAGAMU DO APMM TAWAU |  Proton car buyers to enjoy zero-rated GST prices |  Govt to review mega projects – Azmin |  Inflation expected to rise slightly in April |  Consumer body – apply spirit in consumerism |  ESSCom stays to secure region | 
 Kadazan Dusun

KALAMAZAN MOGIIGIZON NOSIZUN TINAU IMPOON TAVASI KOZO

120217-cny-2
Pairin (id vanan) pinapataak sakadai RM200,000 mantad kopolintaan pogun, kuminaa do Piomungan Koisaan Sina Sabah.

12th February, 2018

KOTA KINABALU: Tadau tagazo om kalamazan do tuhu mogiigizon nosizun tinau om ugama id pogun Sabah diti, kaampai no Toun Vagu Sina (CNY), nadadi impoon tavasi kozo montok mamantad pisompuuvan om piunungan do layat.

Minoboos i Vozoon Montili Sabah, Tan Sri Musa Aman, do sabap no do kalamazan diho do okon noopo ko tindopoon om taandakon do tuhun mogiigizon posoihi nga nogi tutumombuhui mantad habus nga manaandak nogi dino.

Ka disido, kotindapaan do layat nosizun tinau popointahang do kopongozuvan abaabazan miaga diti koimau mamantod po vagu do sunduvan pisompuuvan om piunungan, id sampaping do mamalati om mimbalajal adat koubasanan do tuhun mogiigizon Sina.

“Otumbazaan zou do Karnival CNY diti adadi impoon tavasi kozo montok dotokou popointahang unik, pisaan om piunungan do tuhun mogiigizon nosizun tinau, ugama om koubasanan.

“Sunduvon doun dotokou om piobpinaizan di nubazanan dotokou sohinaid diti, mositi do tomposizon dotokou om potindoozon id timpu dumonto,” ka disido.

Noboos iti id pason disido kopiondot Abaabazan Kopomoiganan Karinival Toun Vagu Sina, nazu miampai pinisokodungan do Hintuun Kakadazan Tagazo Kota Kinabalu (DBKK) om Piomungan Koisaan Sina Sabah, id Padang Merdeka, doiti di sodop tadau Koonom.

Pason disido diho pinohombus di Kumoduvo Vozoon Montili Sabah, i ponogi Montili Kotundaan Infrastruktur, Tan Sri Joseph Pairin Kitingan.

Minoboos i Musa, do sabaagi buuan om kopolintaan montok savi avi tinau, tumihombus o kopolintaan monokodung kopongozuvan carnival miaga diti.

Nazou nogi disido kogompitan om sokodungan do tinimungan tongomuhok id abaabazan ngaavi koubasanan tradisi miaga diti.

Minoboos i Musa do toun vagu nopo nga sabaagi kotimpuunan kumaa hubukon om hizabon kavavagu, miampai hizab om imanon di takavas montok mongiho kozo do pogun Sabah diti kotihombus id koozuvo otoonong, kobuu om osindak.

“Mantad diho, kiguno kozo montok dotokou do tomoimo misokodung om miigit bahazan miampai kopolintaan mooi o kotundaan ikonomi, kaadasan pulitik, kosindakon layat, koumohigan om kotoonongan otihombus ajamin,” ka disido.

Ahansan isido do toun vagu diti kopogovit hobi ginumu kavasian, kosindakon om kounsikaan kumaa sangavian layat id pogun diti.

Naamot diho, minoboos i Polosidin Piomungan Koisaan Sina Sabah (FCAS), Tan Sri Dr TC Goh, do koozuvo ongounung om id pibabasan manaandak carnival CNY diti popointahang do Sabah id siibo kopomuu’anan di Vozoon Montili Tan Sri Musa Aman, pantangon do sangavian boogizan layat kaampai no tinau Tionghua.

“Kotindapaan do nosizun tinau om ugama montok manaandak Karnival Toun Vagu Sina diti do tikid toun, pointahang popokito sunduvan 1Malaysia.

“Tomoimo nodaa o piunungan id piahatan tinau diti do kotihombus tomposizon om potimpoon sohihinaid,” ka disido.

Minonongkotohuod nogi isido kuminaa do kopolintaan tu tumihombus manaak kopoobian kousinan kumaa do koisaan montok mamahantoi do Karnival Toun Vagu Sina.

“Monuu zou do sangavian boogizan layat Sabah, hobi no do tinau Tionghua, mooi do tumihombus manaak sokodung di potindugu kumaa di Vozoon Montili, mooi do tumihombus momuu’an kopomuu’anan pogun Sabah,” ka disido.

   
Email Print
   
 
 
E-browse