Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Biggest ever Sabah contingent for Sukma |  Straight fight for Safa presidency |  Man sought for spearing wife |  Wildlife unit’s swift actions save jumbo |  Man tries political ties to get druggie sons off |  Stand-up comedian Harith Iskander to perform at SHAREDA Nite |  Bangkok-KK route will boost state's tourism |  KPJ Healthcare records RM44.6 mln Q2 net profit |  CIDB urges industry to adopt QLASSIC |  Polinta moguhud misokodung miampai Indonesia monoodo talun-alun tagazo |  Komulakan kusai natagak nokito poinhabu id tenggara Pulou Timbun Mata |  Podtuhudan potihombus Bangkok- Kota Kinabalu kopoinsavat kotombuhuzan |  25 pelajar Universiti Wuyi China sertai Kursus Kejuruteraan di UMS |  Cuba lepaskan anak ditahan AADK, ayah guna nama parti |  APMM Semporna rampas minyak petrol | 
 Kadazan Dusun

Puru PDM Paginatan mimang do calun babaino’ tilombuson popoungkakat

13th February, 2018

RANAU: I Upisor Poinbida’ Parlimen Ranau Japirin Sahadi miampai sokodung ouli’ di tongo’ puru Longkod Watas Mongundi’ (PDM) Paginatan minokianu mooi do koinsanai mongingigit karaja’ mongongobi’ rayat id Ranau poungkakaton kawagu id Pomilian Tagayo Pogun Ko-14 (PRU14) montok mamajamin kalantaion do Barisan Nasional (BN).

Ka disio nung alanan ilo mongingigit do babaino’ tantu’ no do koowit kaala’an do calun BN sabab i mongingigit dilo’ do babaino’ kakal kosudong, aiso’ kobolingkahangan om korohian do rayat.

Minoboros nogi’ isio do tumanud pinonorisidan, Parlimen Ranau do babaino’ posompini’ sabaagi watas ‘opurak’ (kalantoi) nung i lalansanon dilo’ Datuk Dr Ewon Ebin poungkakaton kawagu, nga’ nung alanan, kotoguang o BN do kobolingkahangan tagayo do lumantoi.

“Ingkaa po nogi’ o DUN (Watas Lintuhun Koundangan Pogun) Paginatan… nung poungkakaton kawagu i Datuk Siringan (Gubat) tantu’ do aiso’ kobolingkahangan do BN lumantoi kawagu kinoiyonon,” ka disio pinoposotol.

Sopisuai nung i mongingigit dilo’ do babaino’ i maganu katatapan do sumunsuri, yolo’ sondiri’ i papatantu’ do isai calun i kosudong mooi do aiso’ kokusutan om pogiahawan sumili calun, ka di Japirin.

Minoboros isio dilo’ id ababayan miampai lalansanon om puru PDM nogi’ mogiigiyon Kampung Paginaan id walai di Luguan PDM watas dilo’ i Jaimin Jefrey i narapou po nogi’ di Ewon i po nogi’ Puru Parlimen Ranau.

Potilombus dino pinokianu di Japirin o rayat ngaawi’ id Ranau do amu’ mokinongou habar pagkakaa i karait do mongongobi’ rayat Parlimen om DUN Paginatan alanan id PRU14 sabab ka disio i Luguan Moniti (Datuk Seri Najib Tun Razak) no om i Boyoon Montiri (Tan Sri Musa Aman) i kapatantu’ dilo’.

“Sundung ogumu’ tulun i melobi om posurungon sumili calun id PRU14, koyuon dilo’ ahal di noubasanan id pomogunan demokrasi i tohuri nopo nga’ oulud soira’ di Luguan Montiri toi Boyoon Montiri papahabar do isai i calun di poungkakaton,” ka disio kawagu.

Pinosotol po nogi’ di Japirin do montok Parlimen Ranau, tantu’ no do i Ewon i calun pilion. Nokopogulu i Jaimin id booboroson disio minoboros do puru PDM Paginatan minggisom popoinggirot kukumaraj’’ pomilian tagayo BN id watas dilo’ om posokodung mooi do mongingigit babaino’ diti poungkakaton kawagu id PRU obontol.

I Ewon id boboroson toniiba’ disio minongunsub do mogiigiyon amu’ adalaan kotongob om amu’ monungkayaan di habar pagkakaa karait do calun PRU14 sabab ngaran ngaawi’ di nokosurat nokorikot no id longon di Luguan Montiri om mindad po do pahabaron.

I tosuul do babaino’ ka disio, oinsanan kiguno kumaraja’ montok popogirot parti i kapaampai do tinimungan komulakan, koonduan om nogi’ puru komponen BN di suai id koponoguangan do pomilian tagayo obontol diti.

Pinokianu po nogi’ disio puru PDM do mudio kumaa Upis Parlimen soira’ korongou di nunu nopo ahal owiton do pembangkang mooi do kaanu yolo’ kointalangan di poinhunung.

Id ababayan nokomoi pinopolulus i Ewon do RM2,000 montok pomogonop PDM Paginatan nogi’ pinapatahak poruntukan pomoli misin pongisar parai om kapangansaran rahanon kumaa Koonduan Paginatan.

Nokotindapou po nogi’ id ababayan dilo’ i Luguan Komulakan Upko Nasional i Arthur Sen, Kumoduo Luguan Komulakan Upko Ranau i Alyu Zinin om lalansanon nokoiyonon.-Di JIMMY AKAU

   
Email Print
   
 
 
E-browse