Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Biggest ever Sabah contingent for Sukma |  Straight fight for Safa presidency |  Man sought for spearing wife |  Wildlife unit’s swift actions save jumbo |  Man tries political ties to get druggie sons off |  Stand-up comedian Harith Iskander to perform at SHAREDA Nite |  Bangkok-KK route will boost state's tourism |  KPJ Healthcare records RM44.6 mln Q2 net profit |  CIDB urges industry to adopt QLASSIC |  Polinta moguhud misokodung miampai Indonesia monoodo talun-alun tagazo |  Komulakan kusai natagak nokito poinhabu id tenggara Pulou Timbun Mata |  Podtuhudan potihombus Bangkok- Kota Kinabalu kopoinsavat kotombuhuzan |  25 pelajar Universiti Wuyi China sertai Kursus Kejuruteraan di UMS |  Cuba lepaskan anak ditahan AADK, ayah guna nama parti |  APMM Semporna rampas minyak petrol | 
 Kadazan Dusun

Lori poingovit asid sulfurik nokogompit id kohigaganan talun-alun

14th February, 2018

Di AHMAD APONG

BEAUFORT: Iso lori treller i minogovit do 25,600 liter asid sulfuric (sulphuric) nabahik nontodonon do vookon ginumu asil di pinosuang id 32 tuung naatu id suang palit om nababak nontodonon do asil dino pinapahabus hisun di takapa.

Kinantakan di jam ko 5.00 minsosodopon id talun-alun kilometer 2.5 Padas Valley dino nontodonon do vookon talun-alun Beaufort – Sipitang nobobo au katahib, di Tadau Koiso.

Tumanud di Huguan Balai Bomba Beaufort Hasbullah Nenggok i minomohuguan kalaja pinopoiho do asid dino notuntug id suang palit om nokopiamung do vaig nontodonon do asid pinapahabus do hisun opuak di takapa.

Magaganu abal New Sabah Times i nantatakan id tampat kinantakan di jam ko 6.00 minsosodopon nokokito do nuzudan padsakazan au katahib id poompus lahan dino id duuduvo boogizan pamanaan gisom kuang hobi duvo kilometer.

Minoboos i Hasbollah ontok nokotoimo do sogu di taabo-abpo di jam ko 5.29 kokomoi kinantakan dino puu bomba minooi id tampat kinantakan miampai duvo injin om iso injin EMRS miampai 17 tuhun puu.

“Ontok nokotoimo do kopoihaan minokianu nogi izikoi kotuhungan mantad Unit Hazmat i kihongkod id Upis Bomba om Manampasi Kota Kinabalu.

“Duvo upisol om 8 puu Unit Hazmat miampai duvo injin nokoikot id tampat kinantakan sanjaam kahapas dino,” ka disido.

Songian hisun ngaavi do asid dino naanu minomisok somok sanjaam, padsakazan ngaavi mantad duuduvo pamanaan pinasaga do tumahib miampai pinosoou mooi popotood aircond kulita montok naamot om monutub togiigiot jinjila kulita.

Duvo puu Harzmat om piipio puu bomba Beaufort nasansagan pinapaatod id Hamin Pongusapan Beaufort tu nokotoguvang do nakaagang om pagkatahan id hongon om tinan montok pongusapan.

Kalaja nopupusan poimponu kuang hobi jam ko 1 minsusuvab, ka di Hasbollah.

Huguan Pulis Uvang DSP Azmir Abd Razak ontok notuubungan minoboos tumanud pinonoizukan kopoguhu noihaan do boogizan pulis sulphuric asid mantad Sabah Forest Industri oviton kumaa Lolokiton Sepanggar Kota Kinabalu montok udalon.

Pinonoizukan kopoguhu pulis noihaan nontodonon kinantakan nopo nga kobohingkangan teknikal i minonigog nantakan kumaa lori treller i nontodonon dino minonigog nabahik id ponong gibang talun-alun.

Dolivol lori dino, Sulkana Bin Callabe, 37, tuhun Bugis au nokotoguvang do nuununu kosinduahan, sundung i do ingkaa boogizan pulis papanau koponoizukan kokomoi nontodonon tootopot kinantakan, ka disido.

Azmir mamason kumaa tuhun ginumuan i kotoguvang akatahan, umagang om oluahan kangkab kahapas nakavazaa id tampat kinantakan mooi sumikap mokianu pongusapan id Hamin Pongusapan.

   
Email Print
   
 
 
E-browse