Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Boatmen nabbed on molest charges |  Teen reported missing found electrocuted |  Census on stateless, undocumented individuals |  PM:    Najib's 'I don't know about 1MDB' lame excuse |  Sabah captain Rawilson set for first national cap |  Nine top MTJA juniors for tournament |  Moves to protect marine resources |  MAWILLA 2 poundohion kumaa hongkod kavavagu |  Iso uvang, iso pomounan: Madius |  SONGKOSUVAZAN MINONINDUO MOGIIGIZON HAMIN DI SINUANG |  Up to 40 pct off with MAS’s Mid-Year Deals |  Aidi ziarah Rumah WargaTua Prichard, Hospital Papar |  Wakil rakyat lapor SPRM, dakwa ada monopoli dalam pembekalan ubat |  Kiulu destinasi lawatan wajib, sasar 1 juta pelancong menjelang 2025 |  Stephen minta PBT percepat bina Terminal Bas Bersepadu Sandakan | 
 Kadazan Dusun

Sukod wagu pinokianu monuang timpu di kikoundaran

10th March, 2018

TAWAU: Sukod wagu pinokianu monuang do timpu tosimbayan diolo’ miampai ababayan kikoundaran kaampai no koilo momogompi’ tinan sondiri’ sabaagi tataba’ tosuul do timpu dumontol pogun om okon ko’ monimbayan nopo tomod.

I Panakadai Montiri Kopotundaan Tadon om Koburuon Tiknologi Kopointalangan Datuk Hamisa Samat minoboros, tinimungan nokomoi kiguno pasanganu sunduan om papatahak koposuulan kumaa pinsingilaan koposion mooi do poinjamin timpu dumontol diolo’.

Ka disio, sukod wagu nopo nga’ tataba’ tagayo do pgoun om pogoogoyuon nogi’ pomuumusorou diolo’ do babaino’ diti kapatantu’ koongoiyon do pogun do somonu’.

“Pinggisoman popoburu’ do komulakan okon i ko’ asanang nga’ momoguno tonggungan om kopomodulianan di poinpuli om kopomogunaan toinsanan kogoogonopan di haro,” ka disio.

Monongkotumbayaan isio do maya’ Ababayan ‘Generasi Bebas Jenayah’ , kopongilag ilo’ di kogompitan do sukod wagu id kopomusalaan om kobolingkahangan sosiol.

Minoboros isio dilo’ ontok pinopoimagon do Ababayan Jelajah Ikon AADK Tawau id Balairaya Kampung Tg. Batu Laut do hiti di songkoniihab.

I Hamisa i po nogi’ Puru Lintuhun Koundangan Pogun (Adun) Tanjong Batu potilombus dino minokianu di sukod wagu ngaawi’ do poposodia’ di pomusarahan diolo’ montok monoguang tongo’ kaantaban dumontol loolobi no id koponimbabaan piabpaian nubasanan.

“Koyuon diti kopokito do kogumuan kobolingkahangan sosiol toi kopomusalaan i kopogompit do komulakan mantad no do poinbanta’ om naampawong do tongo’ koulalaho’ i amu’ kosudong montok mogiigiyon orurukut tinaru doid pomogunan tokou,” ka disio.

Kohondot dilo’ minoboros isio do sukod wagu mositi’ no do poilihon id koyuuyuon di kikosiwatan korungod montok popokito do kosiwatan diolo’ montok monoluod do kopoburuan om kotundaan pogun.

Montok mamagampot angkab koponuridongan sinakagon poingindai kopomusalaan, ka di Hamisa kiguno yolo’ do poiloon di susuyan kahandaman, suai ko’ kinopoburuan tinaru om sunduan mupus pogun.

Naamot dino ka disio, molohing nga’ kitonggungan tagayo mongingkawas korotian tanak di pogoyuon tosonong om tonggungan diolo’ kumaa paganakan, tinaru om pogun.

   
Email Print
   
 
 
E-browse