Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Boatmen nabbed on molest charges |  Teen reported missing found electrocuted |  Census on stateless, undocumented individuals |  PM:    Najib's 'I don't know about 1MDB' lame excuse |  Sabah captain Rawilson set for first national cap |  Nine top MTJA juniors for tournament |  Moves to protect marine resources |  MAWILLA 2 poundohion kumaa hongkod kavavagu |  Iso uvang, iso pomounan: Madius |  SONGKOSUVAZAN MINONINDUO MOGIIGIZON HAMIN DI SINUANG |  Up to 40 pct off with MAS’s Mid-Year Deals |  Aidi ziarah Rumah WargaTua Prichard, Hospital Papar |  Wakil rakyat lapor SPRM, dakwa ada monopoli dalam pembekalan ubat |  Kiulu destinasi lawatan wajib, sasar 1 juta pelancong menjelang 2025 |  Stephen minta PBT percepat bina Terminal Bas Bersepadu Sandakan | 
 Kadazan Dusun

Rayat Ranau lumansan kotilombus BN momorinta’ katalib PRU14: Ewon

10th March, 2018

RANAU: I Ponorikohon Barisan Nasional (BN) Ranau Datuk Dr Ewon Ebin minoboros, rayat id watas diti lumansan do kotilombus o BN do momorinta’ pogun katalib Pomilian Tagayo Pogun Ko-14 (PRU14) mooi do oinsanan ababayan kopotundaan i nokoindalan, maamaso om id pamalanan koindalan poturundus.

Pinointalang disio do mogiigiyon id 157 kampung mantad di 217 kokompungan i haro id watas diti i notombului disio om tinunoduan, pinopolombus kasagaan diolo’ do tumilombus mongundi’ calun BN id PRU14.

Ahal dilo’ ka disio nokopokito d koporintaan BN kakal do kosudong di pokikionuon do rayat loolobi no yolo’ i mongiingiyon id kokompungan i babaino’ diti mamaso nakaramit kopotundaan mantad koporintaan miagal do kapangabaan sumbu lotirik, waig paip, talun-alun om susuai po.

Sokodung ouli’ do mogiigiyon kampung koporintaan diti okito mantad kinapatahakan foom kosuangon diolo’ sumompuru BN maya’ do parti Upko, ka disio.

Tumanud di Ewon, kogumuan do kampung i notombului disio haro nopo o kapatahakan foom kosompuruan Upko kumaa disio sabaagi Lugaun Bohogian parti dilo’ id Ranau.

Minoboros isio dilo’ id Ababayan Lansanon Miampai Rayat id Kampung Lingkudau om Kampung Tarawas di kaawagu diti i natanud po nogi’ di Upiso Poinbida’ Parlimen i Japirin Sahadi om i Luguan Komulakan Upko Ranau i Hisyamuddin Harun.

Naamot dino i Molohingon Kampung Tarawas i Semuin Kiting id booboroson disio minangakun do ogumu’ kopotundaan nakatahak do koporintaan BN id kampung dilo’ loolobi no talun-alun mantad Kampung Bongkud gisom id Marak Parak, Kota Marudu.

Minoboros isio do talun-alun dilo’ nokoposindak ikonomi mogiigiyon i tumalahan do asil pomutanaman miagal do aswit, gata’ om susuai po.

Kinapangabaan sumbu lotirik om paip waig nga’ nokopoinsanang po nogi’ do mogiigiyon, ka disio kawagu.

Potilombus dino minanahak isio jominan do amu’ nuru’ tumongob soira’ orikotan do pembangkang o kampung dilo’ sabab minggisom o bohogian disio om lalansanon kampung di suai do manahak kopointalangan kumaa mogiigiyon mooi do amu’ oburilong.

Minoboros po nogi’ i Semiun do lobi 90 pihatus mogiigiyon id Tarawas koilo di kinopotundaan i nakatahak do koporintaan om minamatos do koinsanai diolo’ mongundi’ toinsanan calun BN id PRU14 do obontol.

Id ababayan nokomoi, pinopolulus i Ewon do poruntukan monginsonong linimput om ropuhan balairaya kampung dilo’ suai ko’ kapanasadan watu garabol id talun-alun kininaru 3 kilometer om poruntukan kapamansaian gelanggang sipak raga i maan pogitatabangai.

Pinapatahak po nogi’ i Ewon do duo tindikohon kiruda kuminaa di duo misasawo nolohing, naamot id Kampung Lingkudau, kuminakap isio di tulun sumakit kaampai no i lansanon pulitik veteran Ranau i Amin Jahali.

Nakaampai nogi’ id ababayan dilo’ i Popoburu’ Mukim Watas Karanaan i Sapawi Abd. Ghani.-Di JIMMY AKAU

   
Email Print
   
 
 
E-browse