Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Boatmen nabbed on molest charges |  Teen reported missing found electrocuted |  Census on stateless, undocumented individuals |  PM:    Najib's 'I don't know about 1MDB' lame excuse |  Sabah captain Rawilson set for first national cap |  Nine top MTJA juniors for tournament |  Moves to protect marine resources |  MAWILLA 2 poundohion kumaa hongkod kavavagu |  Iso uvang, iso pomounan: Madius |  SONGKOSUVAZAN MINONINDUO MOGIIGIZON HAMIN DI SINUANG |  Up to 40 pct off with MAS’s Mid-Year Deals |  Aidi ziarah Rumah WargaTua Prichard, Hospital Papar |  Wakil rakyat lapor SPRM, dakwa ada monopoli dalam pembekalan ubat |  Kiulu destinasi lawatan wajib, sasar 1 juta pelancong menjelang 2025 |  Stephen minta PBT percepat bina Terminal Bas Bersepadu Sandakan | 
 Kadazan Dusun

PALAN KOTUNDAAN ID UVANG KOIBUTAN SABAH

12th March, 2018

Di NAZRINI BADARUN

TAWAU: Palan Kotundaan id uvang Koibutan Sabah, vookon pinggisoman kavavagu do kopolintaan id kobuzuan mongukab kahansanan kavavagu id uvang nokomoi montok kotundaan om kobuuon di potihombus, ka di Vozoon Montili Sabah, Tan Sri Musa Aman.

Tumanud disido, luputan kavavagu do makmal palan nokomoi pinopokito do ogumu kosivatan, hobi no do ahal pongindapuan om ekonomi poingimpau do kotombuhuzan, pomutanaman om pomounan mamau miho tuidongon miampai obobo id uvang diti.

“Songian otuidong iho, kaanu manakadai gisom 50,000 kosivatan pakalajaan montok layat id uvang di kogompit, iho nopo nga kapaampai do Tawau, Kunak, Lahad Datu, Semporna, Sandakan, Labuk, Beluran om Kinabatangan,” ka disido.

Noboos disido iti di ontok abaabazan Jelajah Yayasan Sabah Miampai Layat Nazatan Zon Disan Koibutan Kohisaon id Padang Kakadazan, do doiti di koniab.

Ka disido, pinggisoman diho popokito do kopolintaan potounda papapanau kotundaan id pototongkop Sabah om nogi nointahang do kopolintaan Barisan Nasional (BN) do tomoimo pakalaja om maganu tavavagat kumaa layat om kobuuon do pogun Sabah dit.

“Miampai sokodung do kopolintaan hongkod id siibo buuan di Huguan Montili Datuk Seri Najib Tun Razak, au ababasan om opusou montok manaak kopoobian togumu, mantad diho do palan diti aanu ahantoi,” ka disido. Minoboos i Musa do pogun Sabah diti mimang do momoguno kopoobian togumu mooi do savi avi pamalanan aanu papanaon om tundaon miampai tavavasi, hobi no id undovoon ekonomi.

Naamot diho, minongomi kokomoi dumout diho, isido ponogi i Poniikon Mongigit Amanah Yayasan Sabah, minoboos do Yayasan Sabah (YS) kakaal mipahud miampai tuduvan sandad pinonuidongan dino i mumbangan do momohodi modal tuhun kotundaan pogun.

“Tinuidong o Yayasan Sabah di toun 1966, i minaan di tama kemerdekaan Sabah, Tun Datu Mustapha Datu Harun, miampai tuduvan koiso dino manaak kosivatan do tanak ngaavi kaanu balajalan om kaanu kahantoi, miampai au mongiho ugama om tinau.

“Gisom baino diti, Yayasan Sabah nokopomohodi nibuvan susumikul i nakahantoi id mogisuusuvai kaganaan, id pongusapan, akauntan om susuvai po om iti potihombuson tokou,” ka disido.

Mantad diho, pinovokis disido totondos do Yayasan Sabah id koozuvo aadan om obingkalap, sabahik dino, boos noopo aiso suang om vudut do boogizan di aiso tonggungan.

“Iti okon ko hundaat. Yayasan Sabah diti somok adagang, om okon ko izou i kumaandak mingkakavas sondii nga miampai sunduva dagai montok mongumohif do Yayasan Sabah, om kakaal iho, om kivaa kointahangan dotokou kokomoi ahal diti.

“Soovo no do nung adagang o Yayasan Sabah, nunu tadadi? Dati do nohobong no, kotohuadan tu Yayasan Sabah aanu noumohig om baino kivaa aset om kotos nibuvan lizon ringgit i gunoon mahik montok manakadai do layat,” ka disido.

Ka disido, Yayasan Sabah nakapanakadai togumu kuminaa layat pogun Sabah diti om mimang kozo buu do obobo gisom kaanu manaak kosivatan pakalajaan di togumu om poinsanganu kabun nibuvan hektar.

“Yayasan Sabah id koozuvo di tavasi om au obingkapal, sohinaid diti, au tokou poimizo, nga kumalaja tokou do mooi o Yayasan Sabah kotihombus kobuu, kivaa vinakan kataanon om kaanu manakadai do layat,” ka disido.

Dumout toi ‘Jelajah’ diho numpazat do 106 oginsi kopolintaan om swasta, i notindapou nogi di Momumuntuh Hintuun Koundangan Pogun (DUN) Sabah, Datuk Syed Abas Syed Ali, Potunud do Yayasan Sabah i Datuk Sapawi Ahmad om miampai do kiikila 5,000 tuhun ginumuan mantad posoihi uvang diti.

   
Email Print
   
 
 
E-browse