Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Boatmen nabbed on molest charges |  Teen reported missing found electrocuted |  Census on stateless, undocumented individuals |  PM:    Najib's 'I don't know about 1MDB' lame excuse |  Sabah captain Rawilson set for first national cap |  Nine top MTJA juniors for tournament |  Moves to protect marine resources |  MAWILLA 2 poundohion kumaa hongkod kavavagu |  Iso uvang, iso pomounan: Madius |  SONGKOSUVAZAN MINONINDUO MOGIIGIZON HAMIN DI SINUANG |  Up to 40 pct off with MAS’s Mid-Year Deals |  Aidi ziarah Rumah WargaTua Prichard, Hospital Papar |  Wakil rakyat lapor SPRM, dakwa ada monopoli dalam pembekalan ubat |  Kiulu destinasi lawatan wajib, sasar 1 juta pelancong menjelang 2025 |  Stephen minta PBT percepat bina Terminal Bas Bersepadu Sandakan | 
 Kadazan Dusun

Dr Katalina, dokutur tabaal minimparagat id kaganaan artis

12th March, 2018

Di RAPHIEL PINUS

PIKIIKIRO doti’ do ngaran dau amu’ songkuro otutunan sabaagi artis, nga isai miniiman do dokutur tabaal diti i Dr Katalina nopo nga’ songulun artis mantad Sabah i nokopodsupu’ no do ngaran id kaganaan lokunan om suminding id Kuala Lumpur.

Ngaran otopot dau i Dr Siti Khadijah mantad Sandakan, minimparagat id kaganaan seni lakon pointonod podi piipiro toun nakatalib miampai nakabalakun do wookon drama 30 pogisolioput ki’uhu do ‘Dan Calonnya…2’ di toun 2015 miampai dii Aaron Aziz, Zara Zya om palakun nointutunan suai.

Suai ko ilo’, i Dr Katalina nga’ balakun nogi’ id drama mogisolioput 100 noputan pinalabus do Astro Prima ki’uhu do ‘Lara Aishah’ miampai di palakun kingaangaran suai wookon diolo’ i Fasha Sandha, Dian P. Ramlee om i Dato’ Ezlan Yussof di 2016, minongigit do watak, ‘Cik Adila’.

Drama 100 noputan di posusuhut nopo nga’ ‘Dendam Aurora’ balakun miampai di Nabila Huda, Tengku Ismail om aktress nogi’ aktor suai di toun nakatalib. Naamot id filem ‘Makrifat Cinta’, i Dr Katalina balakun miampai di Syamsul Yusof, Nora Danish om insan po miampai di Nabila Huda.

Suai ko ilo’, balakun nogi’ yau id mogisuusuai iklan i wookon dilo’ kapaampai do taakanon, syampu om ababayan kolidasan.

Okon nopo ko’ balakun, i Dr Katalina nga’ kikabaahan nogi’ sabaagi ‘komposer’ om susuminding. Montok kumoinsan di toun 2016 i Dr Katalina pinalabus do ‘single’ koiso’ dau ki’uhu do ‘Kan Terjadi’ i pinoikid do Warner Music.

Naamot dilo’, noilaan nogi’ do single koduo dau pikikiro do orongou ontok piintangaan toun diti. Suai ko’ kinogompitan doid kaganaan seni, i Dr Katalina i mininsingilo id kaganaan kedoktoran doid Kursk State Medical University, Russia tuminanud nogi’ do kaganaan pongusapan ‘estetik’ doid American Academy of Aesthetic Medicine om minongukab do longkod estetik dau sondiri’, Katalina Medispa id Kuala Lumpur.

Mantad no do kinointutunan dau sabaagi artis i kotopong di ngaran tangagayo suai, do babaino’ Katalina Medispa i poinsumpak doid Desa Melawati, Kuala Lumpur nakaramit kinotombuluyan ogumu’ artis nongointutunan montok kopongusapan kolumison.

Habar tosonong, i Dr Katalina pikiikiro mongukab raan longkod estetik dau id Kota Kinabalu om pikiikiro koimpuun do kolimpuunon wulan Kaapat diti.

Id timpu osimbayan, i Dr Katalin magawi’ do timpu dau id gym suai ko’ sumakai do kuda. Montok mongilo koyuuyuon wagu di Dr Katalina, kasaga’ tumanud dau id Instagram @drkatalina.

   
Email Print
   
 
 
E-browse