Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Boatmen nabbed on molest charges |  Teen reported missing found electrocuted |  Census on stateless, undocumented individuals |  PM:    Najib's 'I don't know about 1MDB' lame excuse |  Sabah captain Rawilson set for first national cap |  Nine top MTJA juniors for tournament |  Moves to protect marine resources |  MAWILLA 2 poundohion kumaa hongkod kavavagu |  Iso uvang, iso pomounan: Madius |  SONGKOSUVAZAN MINONINDUO MOGIIGIZON HAMIN DI SINUANG |  Up to 40 pct off with MAS’s Mid-Year Deals |  Aidi ziarah Rumah WargaTua Prichard, Hospital Papar |  Wakil rakyat lapor SPRM, dakwa ada monopoli dalam pembekalan ubat |  Kiulu destinasi lawatan wajib, sasar 1 juta pelancong menjelang 2025 |  Stephen minta PBT percepat bina Terminal Bas Bersepadu Sandakan | 
 Kadazan Dusun

Nohim do pulis kinaantakan songuhun mananakau napatai binadi

13th March, 2018

Di NAZRINI BADARUN

SEMPORNA: Nohim do pulis doiti o kinaantakan do songuhun mananakau napatai binadi do mananamong koumohigan id iso bank di kahapas minanakau om minonobok songuhun tuhun mohoing id dumbangan do iso bank, i nokotongkop id laman social.

Minoboos i Huguan Pulis Uvang, Supt. Peter Umbuas, do kopoihaan nakaazad kokomoi tuhun mohoing kaka dino do naavan do mananakau id hivang habus bank di kahapas minaganu usin Sakadai Layat 1Malaysia (BR1M) soginumu RM250 nopo dino nga pilasu.

Tumanud disido, kinaantakan di nokotongkop diho au naantakan, sabahik dino, kinaantakan di naantakan nopo nga kopogompit noopo songuhun kusai di au songkuo noongob i minomigis hongon vanan disido sondii.

Ka disido, id kinaantakan di kiikila jaam ko 11 doungosuab diho, songuhun kusai kiumul 20’dan kikotumbazaan do au songkuo noongob minomigis hongon vanan disido sondii minomoguno bakaang tataom.

“Tuhun ginumuan minomohoou do puu trafik i ontok dino maso monoihi hivang kinoizonon bank nokomoi om pinopoiho do songuhun kusai maso poinhuvi id hivang habus do bank id koozivo nogonitan,” ka disido di ontok tuubungo.

Minoboos isido do kusai nokomoi maso monoimo usapon id Hospital Semporna om pinggisoman montok maganu kointahangan kotihombusan miampai do munggui nokotoguvang kobuihitan binuzu do munggui i kikotumbazaan do au noongob om mongkop tongkop (gelandangan).

Ontok ponogi diho, minoboos i Peter do koimaan papatazad om monoodo spekulasi pilasu kadaandang undang-undang om kavasa ontokon haang id siibo Seksyen 233v(1)(a) Akta Komunikasi om Multimedia 1998.

Mantad diho, pinopoiho isido do tuhun ginumuan do au ouhan otumbazaan kopoihaan di naanu mantad ontodonon di au noimagon om momoguno kopoihaan pilasu.

   
Email Print
   
 
 
E-browse