Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Boatmen nabbed on molest charges |  Teen reported missing found electrocuted |  Census on stateless, undocumented individuals |  PM:    Najib's 'I don't know about 1MDB' lame excuse |  Sabah captain Rawilson set for first national cap |  Nine top MTJA juniors for tournament |  Moves to protect marine resources |  MAWILLA 2 poundohion kumaa hongkod kavavagu |  Iso uvang, iso pomounan: Madius |  SONGKOSUVAZAN MINONINDUO MOGIIGIZON HAMIN DI SINUANG |  Up to 40 pct off with MAS’s Mid-Year Deals |  Aidi ziarah Rumah WargaTua Prichard, Hospital Papar |  Wakil rakyat lapor SPRM, dakwa ada monopoli dalam pembekalan ubat |  Kiulu destinasi lawatan wajib, sasar 1 juta pelancong menjelang 2025 |  Stephen minta PBT percepat bina Terminal Bas Bersepadu Sandakan | 
 Kadazan Dusun

KPKT pinopolulus poruntukan RM80,000 pongundar balai raya Tg. Aru

13th March, 2018

Di JAINUDIN DJIMIN

LABUAN: Komontirian Pomuwalaian om Koporintaan Nokoiyonon (KPKT) nokopolulus no do poruntukan kiginumu’ RM80,000 montok pongundar do linimput Balai raya Kampung Tanjung Aru do hiti.

I Puru Parlimen Labuan Datuk Rozman Datuk Isli pinopoilo do suai ko ilo’, i Kumoduo Luguan Montiri Datuk Seri Dr Ahmad Zahidi nga’ pinopolulus po nogi’ do poruntukan RM50,000 montok ponginsonong do Restoran Anjung Ketam Tanjung Aru.

“Iti nopo nga’ wookon mantad di ogumu’ po pinggisoman i pinapatahak montok poindalanon okon nopo ko’ montok JKKK (Komitikuasa’ Koburuon om Koumoligan Kampung) Tanjung Aru nga nogi’ kapaampai do poliliput kampung,” ka disio.

Minoboros isio dilo’ ontok pinopoimagon Ababayan Mesra Rakyat nayatan pogun Watas Pisompuruan (WP) Labuan id balai raya kampung nokomoi di tadau Minggu’ katatalib.

Nokotindapou po nogi’ i Puru Dewan Negara Senator Datuk Bashir Alias, Monunurat Pulitik Montiri WP Datuk Mohd Rafi Datuk Ali Hassan, Kumoduo Luguan Potunud (Ponorinaan om Kopotundaan) Koupisan Koburuon Mogiigiyon (Kemas) Hassan Manaf, Ponorikohon Kounsol Mongongobi’ Mogiigiyon (MPP) Subzon 7 i Sukimin Wakiman om i Molohingon Kampung Tanjung Aru i Harun Damit suai ko’ mogiigiyon nokoiyonon.

I Rozman i po nogi’ Ponorkohon Perbadanan Labuan minoboros, koinsanai poruntukan nokomoi pinatahak di piipiro komontirian do monuntud om po’ompus tumanud koposuulan di toisoiso’ projik nokolulus.

Ka disio, koporintaan i buruanan do Barisan Nasional (BN) toririmo minggisom poposodia’ mogisusuai kogoogonopan i gunoon rayat om kotundunan rayat nga’ onuan koposuulan.

Ababayan Mesra Rakyat dilo’ pinaanjur do Kemas WP Labuan om sinokodung do JKKK Tanjung Aru iso’ ababayan ‘turun padang’ lalansanon montok monongkirumo do rayat potilombus dnio monginggirot piromutan tosuau id piaaltan mogiigiyon om lalansanon.

Mogisusuai pinoindalan po’ompus ababayan dilo’ kaampai no ‘kenduri sekampung’, pinialaan sipoot rayat om sinusuulap pokiikitanan asil binuru’-buru’ do mogiigiyon kampung.

   
Email Print
   
 
 
E-browse