Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Biggest ever Sabah contingent for Sukma |  Straight fight for Safa presidency |  Man sought for spearing wife |  Wildlife unit’s swift actions save jumbo |  Man tries political ties to get druggie sons off |  Stand-up comedian Harith Iskander to perform at SHAREDA Nite |  Bangkok-KK route will boost state's tourism |  KPJ Healthcare records RM44.6 mln Q2 net profit |  CIDB urges industry to adopt QLASSIC |  Polinta moguhud misokodung miampai Indonesia monoodo talun-alun tagazo |  Komulakan kusai natagak nokito poinhabu id tenggara Pulou Timbun Mata |  Podtuhudan potihombus Bangkok- Kota Kinabalu kopoinsavat kotombuhuzan |  25 pelajar Universiti Wuyi China sertai Kursus Kejuruteraan di UMS |  Cuba lepaskan anak ditahan AADK, ayah guna nama parti |  APMM Semporna rampas minyak petrol | 
 Kadazan Dusun

KABINET SABAH TUIDONGON ID SUANG TIMPU AU NODII AHAID

15th May, 2018

KOTA KINABALU: Nuzudan Kabinet kavavagu pogun Sabah tuidongon id suang timpu au nodii ahaid, ka di Vozoon Montili Datuk Seri Mohd Shafie Apdal.

“Ponuidangan Kabinet pogun oduuk no. Onu nopo boogizan di no, monoodo i do kopoihaan. Pohogoson di kopotigog,” ka disido kumina magaganu abal kahapas minonimpuun kalaja poimbida sabaai Vozoon Montili Sabah ko-15, id Hongkod Kotoinaan Polinta Pogun Sabah, id doiti di koniab.

Nokotindapou nogi Monunuat Polinta Pogun Sabah Tan Sri Sukarti Wakiman.

Ontok po nogi dino, Mohd Shafie minoboos, boogizan disido pinapataak kumaa kabaahan Huguan Montili Tun Dr Mahathir Mohamad papatantu hahansanon layat mantad Sabah monuang nuzudan Kabinet id nazatan Hongkod.

Naamot dino, noudizo kokomoi kohudukan piipio ADUN BN i mumpazat Warisan, Mohd Shafie, i nogi Polosiden Parti Warisan, minoboos tumanud kumaa dioho nung pointatap pointounda miampai Warisan toi id sambahik dino.

“Kivaa dioho (ADUN BN) nokosoomo no om pinopoiho sokodung kumaa dogo. Nga id ponimpunan dino nokopiamung tokou miampai UPKO om ino kouha montok kaanu nodii tokou monuidong polinta om otumbazaan zou dioho otuhid.

“Nung kivaa ADUN BN sumuang po vagu Warisan intangan tokou poingkuo om nung kivaa ADUN UMNO sumuang Warisan au tokou popovihiu dioho nuununu kopokionuan nga kivaa vookon dioho pinopoiho sokodung kumaa dogo sabaagi vozoon montili,” ka disido.

Id suang kobuuon suvai, minoboos i Mohd Shafie mokianu nogi isido mooi pogoduan sumuang piipio buuan Pakatan Harapan kumaa Sabah poguhui diti pinotood tuutulus.

Minoboos i Mohd Shafie iti mantad no do kivaa pogoduan kumaa duvo Naib Polosiden PKR, Nurul Izzah Anwar om Tian Chua mantad sumuang pogun diti poguhui diti. Bernama

   
Email Print
   
 
 
E-browse