Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Biggest ever Sabah contingent for Sukma |  Straight fight for Safa presidency |  Man sought for spearing wife |  Wildlife unit’s swift actions save jumbo |  Man tries political ties to get druggie sons off |  Stand-up comedian Harith Iskander to perform at SHAREDA Nite |  Bangkok-KK route will boost state's tourism |  KPJ Healthcare records RM44.6 mln Q2 net profit |  CIDB urges industry to adopt QLASSIC |  Polinta moguhud misokodung miampai Indonesia monoodo talun-alun tagazo |  Komulakan kusai natagak nokito poinhabu id tenggara Pulou Timbun Mata |  Podtuhudan potihombus Bangkok- Kota Kinabalu kopoinsavat kotombuhuzan |  25 pelajar Universiti Wuyi China sertai Kursus Kejuruteraan di UMS |  Cuba lepaskan anak ditahan AADK, ayah guna nama parti |  APMM Semporna rampas minyak petrol | 
 Kadazan Dusun

Sinding kumotolu ‘Hombo No Batos Nu’ mantad di Arwien

15th May, 2018

Di ERSIE CHELL ANJUMIN

KOROROHIAN dau kumaa tuunion nokounsub diti komulakan mantad Beluran do tumilombus mimparagat. Di kaawagu diti i Edwin Ahmad toi lobi ointutunan do i Arwien pinapalabus ‘single’ kaawagu dau i kitulu do ‘Hombo No Batos Nu’.

Sinding alambayad id boros Dusun dilo’ koposusui di kolubukan songulun kusai kumaa tondu’ koupusan dau i aiso’ kinotutukon sabab tondu’ dilo’ minomili’ do kusai suai.

Minongomi kotilombus ka di Arwien, sinding nopo dilo’ nga’ tutungkap nalantoi dau id ‘Pentas 6 Juara’ maya’ do bohogian sinding nokoiyonon.

“Roiton dilo’ sinurat ku id Boros Malaysia om pinadalin di S. Welly (songulun artis nointutunan nokoiyonon). Naamot tuunion nopo nga’ winonsoi do ‘komposer’ Kamal Abas om i Balzet Dausin, tiniip doid Studio Kinabatangan.

“Id pinialaan suminding i natanud ku (Pentas 6 Juara), haro onom bohogian ponongkialaan ilo’ nopo nga’ bohogian nokoiyonon, ‘irama Malaysia’, balada, pop rock, rock kapak om dangdut.

“Pentas 6 Juara kituduan do momologkus bakat wagu montok mamaramai pomorunan seni Sabah miampai minongukab kosiwatan montok onom bohogian di sopisuai… bontugan om tukad koduo kikosiwatan mongutip do single.

“Id pinialaan dilo’, yoho’ nopo nga’ bontugan id bohogian nokoiyonon… om nakaanu kosiwatan momonsoi single kaawagu,” ka di Arwien kuminaa Momolihis NST.

Pinoposili kinalantaion susuminding nabantug pogun i Datuk Seri Siti Nurhaliza sabaagi ‘idola’ dau, nakapalabus no i Arwien do duo single pogulu diti ilo’ nopo nga’ Ralan Piupusan om ‘Dikau Ku Cinta’ di toun 2015.

Pinopoopi’ nogi’ i Arwien do angkab takawas montok papalabus album poinggonop do dumontol.

   
Email Print
   
 
 
E-browse