Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
61 students graduate from Ascot Academy’s programmes |  Mamonde opens first store in Sabah |  Promotion hopes take hard knock |  Luguan adat pokionuon monilombus kotorinaan |  Kapangalapan mooi tanud pialaan sipoot koubasanan id KDCA |  POLINTA POGUN OTUMBAZAAN PAN BORNEO SABAH POTIHOMBUSON |  Mouth-watering Ramadan buffet at Mercure |  Mayor – Tanjung Aru Eco project shelved |  ‘35 of 72 bags seized, 26 currencies worth RM114 mil in cash seized’ |  Reflect voices of the people, media urged |  Govt’s ability to pay 1MDB debts will give assurance to markets |  Pesta Kaamatan landasan yang baik dedahkan kesenian dan kebudayaan Bumiputera Sabah |  Kerajaan pertimbang bantuan Aidilfitri untuk penjawat awam |  Tegur lewat datang kerja motif pemotong rumput ditikam |  CGC peruntuk RM4.9 bilion pembiayaan usahawan | 
 Kadazan Dusun

Kaamatan kopoinggirotan sunduan piuludan om piobpinoian mogiigiyon

16th May, 2018

KOPIONGOI di uhu kapamaramaian Kaamatan nayatan pogun toun baino’ “Koubasanan Impowon Pisompuruan om Piobpinoian”, kinapamaramaian Tadau Kaamatan nayatan Kampung Lapai, Tenghilan (Tamparuli) di kaawagu diti nokopokito do sunduan dilo’ kakal oluhub id ginawo do tongo’ mogiigiyon kosuul no mongiingiyon do kampung nokomoi.

Id karamaian dilo’ i pinaanjur do Komitikuasa’ Koburuon om Koumoligan Kampung (JKKK) doid Balai Muhibbah kampung nokomoi, okon nopo ko’ ababayan pinoindalan i nokoimbayat nga’ sunduan mogisokodung i pinokitanan do tongo’ mogiigiyon ngaawi’.

Oinsanan mogiigiyon minanahak kosokodungan okon nopo ko’ id karaja’ nga nogi’ minonokodung di kinoposodiaan do tongo’ tutungkap montok ponungkap kopomurutan tikit kinasip.

Suai ko ilo’, ogumu’ diolo’ i pinoposodia’ do taakanon doun koubasanan tumanud do ponit-ponit i nakatantu’ do maan adango’ id karamaian dilo’ i soira’ nopupusan pinogiilangan do minangakan.

Ababayan suai i pinoindalan kaampai nogi’ sipoot raaramai montok doun tangaanak, pinialaan Sugandoi (tangaanak) om pinialaan migayat lukug kapaampai do mogiigiyon Kampung Lapai om tombului.

Pinamaramai do karaaramaian dilo’ kaampai no kinaparangahan koir di puru komiti manganganjur binuruan di Ponorikohon Ababayan Jefrin Yunsai, kopokionuan sinding-sinding sinakadai om kinoponungkapan koonduan kisokot doun koubasanan.

Nokorikot do minooi popoimagon karamaian dilo’ i Lucian Bai minongobi’ di Mobi’ Rayat Tamparuli Datuk Jahid Jahim om nogi’ tinonudan disio.

Nokotindapou po nogi’ i Ponorikohon JKKK Lapai Charles Lagkang om i Molohingon Kampung KK Pinus Bari. Gambar ngaawi’ diti kopokito di wookon kokiikitanan id po’ompus do kinaparamaian Kaamatan doid kampung dilo’ nokomoi.-LP

   
Email Print
   
 
 
E-browse