Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
61 students graduate from Ascot Academy’s programmes |  Mamonde opens first store in Sabah |  Promotion hopes take hard knock |  Luguan adat pokionuon monilombus kotorinaan |  Kapangalapan mooi tanud pialaan sipoot koubasanan id KDCA |  POLINTA POGUN OTUMBAZAAN PAN BORNEO SABAH POTIHOMBUSON |  Mouth-watering Ramadan buffet at Mercure |  Mayor – Tanjung Aru Eco project shelved |  ‘35 of 72 bags seized, 26 currencies worth RM114 mil in cash seized’ |  Reflect voices of the people, media urged |  Govt’s ability to pay 1MDB debts will give assurance to markets |  Pesta Kaamatan landasan yang baik dedahkan kesenian dan kebudayaan Bumiputera Sabah |  Kerajaan pertimbang bantuan Aidilfitri untuk penjawat awam |  Tegur lewat datang kerja motif pemotong rumput ditikam |  CGC peruntuk RM4.9 bilion pembiayaan usahawan | 
 Kadazan Dusun

Posikapon polinta kopomihian do montili kabinet: Dr Mahathir

17th May, 2018

PUTRAJAYA: Poposikap o polinta kopomihian 10 montili Kebinet montok kaanu nodii kounsol tumau om pitimbungakan Dewan Layat poposikap dati, ka di Huguan Montili Tun Dr Mahathir Mohamad.

Ponikoon Pakatan Harapan (PH) dino minoboos fasa koiso ponuidangan polinta pinopoompit kopomihian 10 montili kabinet kikahansanan aanu popoboos ontok minggu diti mooi kalaja polinta aanu papanau kaampai no monoodo mitingan Kabinet.

“Polinta kaanu monoodo mitingan Kabinet miampai 10 tuhun diti no naamot monuang tokou 15 tampat vagu mooi kaanu tokou kabinet penuh popoompit 25 komontilian.

“Saasabap no dino maganu tokou timpu, kivaa kogunaan montok dotokou monoodo mitingan parlimen tosisikap dati mantad dino kuminam tokou poposikap kalaja pitimbungakan Dewan Layat om tumau,” ka disido ontok pitimbungakan media id Yayasan Kepimpinan Perdana, id doiti, di koniab.

Minoboos i Dr Mahathir pongkimamaan poposikap kalaja kopomihian montili Kabinet dino noga kiguno montok kaanu nodii koponoizukan kokomoi undang-undang di kiguno punsoon om ahal kogompit polisi polinta di kivaa no haid aanu papanau tosisikap dati.

Huguan montili minoboos vookon koponoizukan mahik kumaa undang-undang di mositi iduon nopo nga kaampai no Akta Cukai Balang om Kotoinaan (GST), Akta Antiberita Au Otopot 2018 om undang-undang i manahob koposondiaan om hak moboos.

“Aiso angkab tokou montok manahob Akta Antiberita Au Otopot nga momoguno tokou nogi koponoizukan. “Iti saviavi todoon, okon nopo kokomoi GST om (akta) abal au otopot, nga kivaa kogunaan (koponoizukan) undang-undang koumohigan pogun om piipio vagu undang-undang dino i manahob koposondiaan layat,” ka disido.

Ontok Tadau Koonom nakatahib, Dr Mahathir pinapangaan tohu montili kopoguhu, izioho nopo nga Monunuat Takavas DAP Lim Guan Eng sabaagi Montili Kousinan, Polosiden PPBM Tan Sri Muhyiddin Yassin sabaagi Montili Suang Pogun om Polosiden Amanah Mohamad Sabu sabaagi Montili Koumohigan.

Ontok po nogi dino, minoboos isido saviavi apat parti id suang PH ino nopo nga PKR, DAP, Amanah om PPBM pinapataak pihi montili om kumoduvo montili dioho.

   
Email Print
   
 
 
E-browse