Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Deadly pest threat |  Kotinanan ngaavi kohigkangan natagan sumikap lijistol, monginvagu lisin: Yeo |  Tonudo prosedur kuarantin poguhui mogovit sumuang kavo poinsuni: Junz Wong |  Tutumombuhui tagahon naamot timpu momiombo id Mosogit Kakadazan Tagazo Kota Kinabalu |  KPLB papavakas Abaabazan Ekonomi Desa id Kadamaian |  Boatmen nabbed on molest charges |  Teen reported missing found electrocuted |  Census on stateless, undocumented individuals |  PM:    Najib's 'I don't know about 1MDB' lame excuse |  Sabah captain Rawilson set for first national cap |  Nine top MTJA juniors for tournament |  Moves to protect marine resources |  MAWILLA 2 poundohion kumaa hongkod kavavagu |  Iso uvang, iso pomounan: Madius |  SONGKOSUVAZAN MINONINDUO MOGIIGIZON HAMIN DI SINUANG | 
 Kadazan Dusun

TIMPU MUMBANGAN ID KOTUNDAAN MONTOK MAMANTOD EKONOMI SABAH

11th June, 2018

Di ROZZALIN HASHIM

SANDAKAN: Minoboos i Vozoon Montili Sabah, Datuk Seri Mohd Shafie Apdal, do maso isido do baino diti mongumbangan doid kotundaan i kapaampai savi avi undovoon miampai maganu mogisuusuvai haang montok mamantod ikonomi do pogun Sabah.

Tumanud disido, focus om pombiian koiso disido nopo nga kaampai no mongiho kozo do layat kotihombus kaanu ponundunan suvai ko momohodi modal tuhun mooi do kaanu o tanak ngaavi tongomuhok momiumon kotundaan miampai poinsompuu.

Minoboos isido do pinggisoman tohuduk diti vookon ponotohan di onuan kopoguhuanan tu sundung tu ikonomi id koozuvo do au songkuo vinasi, poingkuo po nga miampai kivaa pamalanan topiodo, pointantu do okon noopo ko kapanakadai do ikonomi pogun nga nogi kopongukab kosivatan pakalajaan kumaa sinakagon tongomuhok.

Ka disido, mantad diho do id boogizan kopolintaan pogun, momoguno ponguhudan mahik miaga do manaak ponotohan kuma kotundaan modal tuhun miampai mongiho kozo do tanak tongomuhok kitoihaan binalajalan insan insan kosinganu pomumusooi di tapantod.

“Miampai kivaa pinggisoman miaga diti do pointantu no kozo do kaanu tokou manaak pongumbanganan kumaa kotundaan i kaanu manakadai ikonomi pogun…ahaid no tokou mimpulitik, dadi mositi tokou do kivaa pinggisoman di kaanu momohodi modal tuhun poinggonop miampai toihaan binalajalan.

“Mositi tokou momusoou lahan mamantod do modal tuhun tu iso mantad pinggisoman di kaanu manakadai kotundaan pogun nung undovoon miaga diti onuan ponotohan,” ka disido di ontok pinopohombus pason id Abaabazan Mongukab Kodos Tuhun Mogiigizon Sandakan Miampai Vozoon id Montili Datuk Seri Shafie Apdal id Hintuun Togumu Guno Mosogit Uvang Sandakan doiti di tadau Koonom nakatihib.

Id komi kotihombusan, Shafie, id kotombuhuzan koinsan id Sandakan, kahapas dinadi sabaagi Vozoon Montili Sabah, minoboos do baino diti mongumbangan do kotundaan pogun montok kosindakon do layat id sangavian. Ka disido, sabaagi Polosidin Parti Warisan Sabah diho, timpu mimpulitik nakatahib no om nunu i kiguno do baino diti nopo nga sangavian boogizan mositi miigit bahazan montok popobuu do Sabah.

Id abaabazan nokomoi, Shafie om sinavaan, Datin Seri Shuryani Shuaib, pinapataak sakadai zakat kuminaa soginumu 50 tuhum mononoimo i mantad do tinimungan Asnaf id uvang Sandakan.

Sinusuut disido do minongukab kodos sangavian do mogiigizon Sandakan, sinusuut do solat maghrip, solat Isyak om solat Tarawih, miampai sambayang.

Vookon di nokotindapou id abaabazan nokomoi nopo nga i Montili Kohidsan om Kosindakon Layat, i ponogi Puu Parlimen Sandakan, Stephen Wong Tien Fatt, Montili Komuhakan om Sipoot isido ponogi i Puu Hintuun Koundangan Pogun (Adun) Tanjung Papat i Frankie Poon, Panakadai Montili kumaa di Vozoon Montili Sabah ponogi Adun Gum-Gum i Arunarnsin Taib, Puu Parlimen Batu Sapi i Datuk Liew Vui Keong om Adun Elopura i Calvin Chong Ket Kuin, om nogi i Polosidin do Kounsol Kakadazan Sandakan (MPS) Datuk Ir. James Wong, om huguan ngaavi koupisan kopolintaan pogun om pisompuuvan.

   
Email Print
   
 
 
E-browse