Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Mayor: Multi-lingual signages may help |  SATTA to investigate viral video |  Ban by Likas mosque; no thanks to China tourists |  Deadly pest threat |  Kotinanan ngaavi kohigkangan natagan sumikap lijistol, monginvagu lisin: Yeo |  Tonudo prosedur kuarantin poguhui mogovit sumuang kavo poinsuni: Junz Wong |  Tutumombuhui tagahon naamot timpu momiombo id Mosogit Kakadazan Tagazo Kota Kinabalu |  KPLB papavakas Abaabazan Ekonomi Desa id Kadamaian |  Boatmen nabbed on molest charges |  Teen reported missing found electrocuted |  Census on stateless, undocumented individuals |  PM:    Najib's 'I don't know about 1MDB' lame excuse |  Sabah captain Rawilson set for first national cap |  Nine top MTJA juniors for tournament |  Moves to protect marine resources | 
 Kadazan Dusun

Tozibut Harapan montok noopo pambalai tutang polinta, ka di Lim

11th June, 2018

KUALA LUMPUR: Sakadai tohuod i pobuzuon kumaa Tozibut Harapan toi Tabung Harapan Malaysia (Tabung Harapan) gunoon noopo montok pambalai tutang do polinta, ka di Montili Kousinan, Lim Guan Eng.

Ontok pinopoiho kosondii’an diho, minoboos isido do sokio nung ginumu tozibut diho au kogonop, gonopon do polinta o noohu i gunoon montok pambalai tutang nokomoi.

“Au tokou gunoon iho montok tuduvan suvai. Iti mimang do au pavasaon.

“Nung ginumu tozibut diho au kogonop (montok pambalai tutang), uangan do kopolintaan ginumu di noohu dino.

“Sabaagi poombitanan, nung mambalai tokou do oinut tutang kiikila RM200 lizong nga Tozibut Harapan diho kivaa RM50 lizong, mantad diho do noohu dino tompungon do polinta,” ka disidoid iso ponuubungan miampai Bernama. Tozibut Harapan Malaysia i soginumu RM54.89 lizong gisom di ko 9 vuhan Koonom, 2018, tinuidong di ko 30 vuhan Kohimo nakatahib montok papavasa do layat ngaavi di patriotic popobuzu sakadai di kahapas nokoiho do gontob tutang polinta nokodimpot RM1 trilion.

Pinonuidongan diho nga papavasa nogi do Komontilian Kousinan monoina sakadai tohuduk do layat diho miampai sistomatik om ouhi.

Suvai diho, minongomi hihimut do PAS do paati nokomoi au momoguno ponginsomokan mongukab tozibut miaga diho sundung tu mananggung tutang id Kelantan, minoboos i Lim do au isido koiho do nung PAS kosudong manaak pombiian miaga diho.

“Au zou nokoiho nung PAS kikapatutan montok moboos kokomoi ponguhudan ekonomi. Tu iti nopo nga mantad ahal ponguhudan ekonomi, PAS aiso likood di tavasi.

Kelantan nopo nga vookon pogun di tomoimo kotoguvang deficit gisom mositi do mogohos mantad kopolintaan Pisompuuvan.

“Nung au mogohos mantad Kopolintaan Pisompuuvan, izioho nga au nogi kaanu mambalai gaji pakalaja polinta pogun. Mantad diho, opiumanan ku do PAS mositi monoina ‘hamin’ dioho sondii do hobi poguhu. Intangan id soomin om muot sondii”.

Ontok ponogi diho, minoboos i Lim do maganu o kopolintaan do firma audit dahabus montok mongiho kozo do ahal inuhi.

   
Email Print
   
 
 
E-browse