Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Kotinanan ngaavi kohigkangan natagan sumikap lijistol, monginvagu lisin: Yeo |  Tonudo prosedur kuarantin poguhui mogovit sumuang kavo poinsuni: Junz Wong |  Tutumombuhui tagahon naamot timpu momiombo id Mosogit Kakadazan Tagazo Kota Kinabalu |  KPLB papavakas Abaabazan Ekonomi Desa id Kadamaian |  Boatmen nabbed on molest charges |  Teen reported missing found electrocuted |  Census on stateless, undocumented individuals |  PM:    Najib's 'I don't know about 1MDB' lame excuse |  Sabah captain Rawilson set for first national cap |  Nine top MTJA juniors for tournament |  Moves to protect marine resources |  MAWILLA 2 poundohion kumaa hongkod kavavagu |  Iso uvang, iso pomounan: Madius |  SONGKOSUVAZAN MINONINDUO MOGIIGIZON HAMIN DI SINUANG |  Up to 40 pct off with MAS’s Mid-Year Deals | 
 Kadazan Dusun

Omar Mammah nopihi kumoduvo Pesuruhjaya Pulis Sabah kavavagu

12th June, 2018

KOTA KINABALU: Bagas Kumoduvo Huguan Pulis Perak Datuk Omar Mammah, 58, nopihi sabaagi Kumoduvo Pesuruhjaya Pulis Sabah i kavavagu kotimpuun di koniab.

Suminovohi isido di Datuk Razaruddin Hussain @ Abd Rashid i pinoohon kumaa Perak mongingit kalaja sabaagi Kumoduvo Huguan Pulis Perak.

Lamai kopombitan kalaja piahatan Razaruddin om Omar naazu id Hongkod Upis Pulis Kontinjen Sabah di koniab miampai sinasi di Pesuruhjaya Pulis Sabah Datuk Ramli Din.

Omar id suang pason disido kahapas suminasi sijil kopotunuzan kalaja dino minamason kotohuadan kumaa buuan Pulis Diraja Malaysia (PDRM) tu otumbazaan disido montok mogovit kalaja koduvo kiguno dino.

“Sabaagi tuhun numbul koduvo kitonggungan montok monuhung Pesuruhjaya Pulis Sabah id suang monoina kotoinaan om mongintong kapapanaai kotoinaan om kalaja pulis kapanau miampai pointantu kopitanud miampai kopokionuan buuan PDRM,” ka disido.

Omar i nogi tanak kinoizonon Sabah mantad Semporna minumpazat PDRM ontok 17 Vuhan Koopod om Duvo 1989, nokoigit haid kalaja sabaagi Huguan Koupisan Koponoizukan Kahasaan Tavagat (JSJ) Sabah, Huguan Koupisan Ponoinaan IKP Sabah om Kumoduvo Huguan JSJ Selangor.

Naamot dino, otumbazaan i Ramli sabaagi tanak kinoizonon, Omar hobi kalati koozuzuvo id Sabha om kaanu monguhan onu nopo koozuzuvo.

“Noihaan iti nopo nga kaapat nodii disido (Omar) pinoohon kumaa kontinjen Sabah. Iti pointantu no do iso nangangazan di tavakas,” ka disido.

Minamason nogi i Ramli kotohuadan kumaa Razaruddin tu nakahantoi pinapapanau kalaja sabaagi kumoduvo disido miampai poimponu kohudukan om kabaahan.

Ontok po nogi dino, Razaruddin id suang pason disido poompus kalaja id Sabah kihinaid somok duvo toun nakapanaak disido ogumu toihaan hoohobi no kozo mantad boogizan mogiigiozn om geografi.

Mamason nogi isido kotohuadan kumaa buuan PDRM hoohobi no kozo tinimungan Sabah id kotumbazaan, kopongiaan, sokodung om pisokodungan tinaak ontok pakalaja kihinaid tuu vuhan sabaagi kumoduvo pesuruhjaya pulis. Bernama

   
Email Print
   
 
 
E-browse