Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Three points to seal berth |  Sabah hulksters fourth at 49th Mr Malaysia Bodybuilding Championship |  Motivate yourselves for university studies, pre-U students told |  Riparian forest buffers means increased plantation yields |  Swiftlet industry boosted |  Underprivileged boys discover Klagan’s hospitality |  Learning about orang-utan via ‘The Amazing Orangutan Challenge’ |  Kusai kinoizonon nataan id ponginaman mogovit humabus tumau pagansak |  RTM potindooi aadang sabaagi impoon popisompuu layat |  Papanau padsakazan ginumuan posoovon tumanud kootulan |  Susumakai motusaikol nopujulan kiniopon id suang kohigaganan |  Proton, Geely to set up facilities in China |  Unstable environment for foreign inflows |  Ewon mahu lebih banyak pusat e-Desa diwujudkan di luar bandar |  JKR diminta segera baiki jalan Sampir-Pantai Teringai yang rosak teruk | 
 Kadazan Dusun

Ponuuan umuvung id ESSZONE nooputan gisom 28 Vuhan Koonom

13th June, 2018

KOTA KINABALU: Ponuuan umuvung id uvang pitakasan tuu uvang id suang Zon Atampasi Kohisaon Sabah (ESSzone) i nopupusan di jam ko 6 minsosodopon nooputan gisom 28 Vuhan Koonom, ka di Pesuruhjaya Pulis Sabah Datuk Ramli Din.

Minoboos isido miampai kopoputan dino, izioho di poingizon id uvang dino pokionuon id suang hamin om au pasagaon sumuang uvang pitakasan piahatan jam ko 6 gisom 6 minsusuvab poompus timpu dino.

Id suang kointahangan dino id doiti, minoboos i Ramli ponuuan umuvung dino popoompit uvang pitakasan uvang Tawau, Semporna, Kunak, Lahad Datu, Kinabatangan, Sandakan om Beluran.

“Tuhun suvai au pasagaon sumuang toi ko id uvang di nokoimagon piahatan jam ko 6 minsosodopon gisom 6 minsusuvab ontok tadau di pinoboos,” ka disido.

Ka disido ponuuan umuvung dino pitihombuson montok mongintong uvang pitakasan dino au osuang tuhun tosuau i mogundonok koumohigan monoizuk sompomogunan i papanau koponoizukan om kotombuhuzan dahabus i tumombuhui pulau ngaavi podtuongisan.

Ino nogi kiangkab mamajamin koumohigan om sinuau layat Sabah i mamadadi momoguno pitakasan miampai layat id uvang tinda ESSzone.

Minoboos i Ramli tumanud kopoihaan, tinimungan militant Abu Sayyaf om izioho i papanau abaabazan manazang montok koonuan usin pamaganti mantad koibutan Philippine kakal kuminam sumuang montok monoodo manazang om kahasaan tavagat tumahib pivohitan.

Minoboos isido ponuuan umuvung dino nogi montok monguhan mongunguasa om mongintong kumaa kapapanaai padau miampai kopoimbuhai topiumanan atampasi om otumbazaan kumaa popobuu chalet om monginsada miampai koikatan kapal puu koumohigan id posoihi uvang dioho.

“Manaak zou nogi kuasa kumaa saviavi huguan pulis uvang id uvang ESSZone monotk papahabus poompit kumaa mongupalai di kipotutan montok angkab abaabazan ponginsadaan toi ko kivaa kogunaan di kopononsog montok mazaa uvang ponuuan umuvung,” ka disido. Bernama

   
Email Print
   
 
 
E-browse