Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Court decision on Petronas suit hailed |  Sabah, Sarawak leadership show support for Dr Mahathir |  Dancing tourists at mosque – ministry weighs in |  Mayor: Multi-lingual signages may help |  SATTA to investigate viral video |  Ban by Likas mosque; no thanks to China tourists |  Deadly pest threat |  Kotinanan ngaavi kohigkangan natagan sumikap lijistol, monginvagu lisin: Yeo |  Tonudo prosedur kuarantin poguhui mogovit sumuang kavo poinsuni: Junz Wong |  Tutumombuhui tagahon naamot timpu momiombo id Mosogit Kakadazan Tagazo Kota Kinabalu |  KPLB papavakas Abaabazan Ekonomi Desa id Kadamaian |  Boatmen nabbed on molest charges |  Teen reported missing found electrocuted |  Census on stateless, undocumented individuals |  PM:    Najib's 'I don't know about 1MDB' lame excuse | 
 Kadazan Dusun

19 po vagu Adun Sabah tuminau’

13th June, 2018

KOTA KINABALU: Soginumu 19 mantad 21 Puu Hintuun Koundangan Pogun (ADUN) Sabah, i au tuminindapou do pitimbungakan poimbida DUN di songkoniab, tuminau id dumbangan di Momumuntu Hintuun Koundangan Pogun (DUN) Datuk Syed Abbas Syed Ali, di koniab.

Savi avi dioho, izioho nopo nga sizam mantad UMNO, onom mantad Parti Pisompuuvan Sabah (PBS) om duvo hahansanion do Parti Solidariti Tanah Airku, om nogi tososondii songuhun mantad Parti Pisompuuvan Layat Sabah (PBRS) om UPKO, tuminau id Upis di Momumuntu DUN, doiti.

Vookon di nokotindapou tuminau kalaja di koniab nopo nga i Datuk Hajiji Mohd Noor (Sulaman), Datuk Masidi Manjun (Karanaan), Datuk Mohd Arifin Mohd Arif (Membakut), Datuk Jahid Jahim (Tamparuli), Datuk Joniston Bangkuai (Kiulu), om i Datuk Dr. Jeffrey Kitingan (Tambunan).

Duvo po vagu hahansanon layat noohu i au po nakatau nopo nga mantad UMNO i Tan Sri Musa Aman sabaagi ADUN Sungai Sibuga om nogi i Datuk Nizam Abu Bakar Titingan (Apas).

Pinoiho do i Nizam nopo nga maso monumbozo ibadah umrah, naamot di Musa nopo nga nosunud di luyal disido do maso mokiusap id kinoizonon di au pinointahang.

Naamot diho, ontok tuubungo i Hajiji di kahapas abaabazan nokomoi, minoboos do tumihombus izioho papapanau tonggungan sabaagi hahansanon layat miampai manaak kotoinaan kumaa layat id uvang tososondii.

Di songkoniab, soginumu 43 ADUN kaampai no apat ADUN dinadi tuminau kalaja id pitimbungakan poimbida DUN i ponogi sabaagi pitimbungakan koiso kopongo Pomihian Tagazo ko-14 (PRU14) di nakatahib.

Abaabazan tuminau’ diho ginuhu di Vozoon Montili Sabah Datuk Mohd Shafie Apdal, sinusuut do tohu Kumoduvo disido i Datuk Seri Wilfred Madius Tangau, Christina Liew om i Datuk Jaujan Sambakong.

Nakaanjul nogi ontok pitimbungakan poimbida diho o pinabantangan usul undi kotumbazaan kuminaa doid di Mohd Shafie sabaagi vozoon montili mantad di Liew i ponogi Montili Kotombuhuzan, Koubasanan om Sandad Posoihi Sabah. –Bernama

   
Email Print
   
 
 
E-browse