Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Biggest ever Sabah contingent for Sukma |  Straight fight for Safa presidency |  Man sought for spearing wife |  Wildlife unit’s swift actions save jumbo |  Man tries political ties to get druggie sons off |  Stand-up comedian Harith Iskander to perform at SHAREDA Nite |  Bangkok-KK route will boost state's tourism |  KPJ Healthcare records RM44.6 mln Q2 net profit |  CIDB urges industry to adopt QLASSIC |  Polinta moguhud misokodung miampai Indonesia monoodo talun-alun tagazo |  Komulakan kusai natagak nokito poinhabu id tenggara Pulou Timbun Mata |  Podtuhudan potihombus Bangkok- Kota Kinabalu kopoinsavat kotombuhuzan |  25 pelajar Universiti Wuyi China sertai Kursus Kejuruteraan di UMS |  Cuba lepaskan anak ditahan AADK, ayah guna nama parti |  APMM Semporna rampas minyak petrol | 
 Kadazan Dusun

Mogiigizon ESSZone suuon poposuang aplikasi K3M id mokituhung koumohigan

12th July, 2018

LAHAD DATU: Tinimungan maritime id Sabah hoohobi nokozo mogiigizon posoihi pitakasan Zon Atampasi Kohisaon Sabah (ESSZone) suuon poposuang id aplikasi Kasaavan Koumohigan Tinimungan Maritim (K3M) id lahan aiso kabalai id Google Play Store kumaa id tolifaun piovit-ovit montok monuhung koumohigan id daat i tavasi.

Panglima Wilayah Laut 2, Susumangod Daat Diraja Malayusia (TLDM), Laksamana Muda Datuk N. Ganesh minoboos miampai monodos bamban SOS id aplikasi K3M kaanu monuhung poponibo timpu sisimba puu koumohigan koikot id tampat taabo-abpo.

“Iti no vookon boogizan montok popoinsavat kinavas koumohigan id ESSZone nga momoguno izikoi kotuhungan tinimungan maritime id doiti montok poposuang aplikasn om kopolijistahan sumuang poguhui momoguno dino,” ka disido.

Minoboos i Ganesh dino ontok nasamanan magaganu abal id lamai koponoimaan Aidilfitri id savat Kapal Auksiliari Tun Azizan kopiondot pisamanan abaabazan Koponoizukan Maritim Trilateral piahatan kapal TLDM KD Todak miampai kapal Susumangod Daat Philippine (TLF), BRP Miguel Malvar id pitakasan pivohitan somok doiti, songkoniab.

Minoboos i Ganesh SOS mantad K3M dino tuutulus pootodon kumaa hongkod kalaja TLDM om puu i pakalaja kotoimo tanda kopokito nantakan taabo-abpo.

“Mazaa dino, koiho izikoi tampat tootopot miampai poguntaban timpu montok mikot id tampat kinantakan, om nung osodu papaatod izikoi (koponuhungan) helicopter, nung osomok papaatod izikoi padau sumangod,” ka disido om minoboos aplikasi dino id ESSZone kakal okuang.

Minoboos i Ganesh aplikasi pobuuon do TLDM miampai Agensi Monguasa Maritim Malaysia (APMM) dino i poinsion poposuang 700,000 ontok toun diti, gonopon miampai tohu boos ino nopo nga Malazu, Cina om Onggilis suvai ko kopoihaan kavavagu pomogunan maritime.

“Nung kivaa kogunaan montok kouangan boos suvai, uangan om gisom diti K3M nokosuang kuang hobi 50 piatus komuniti maritime id Malaysia mantad po pinoimagon toun nakatahib,” ka disido K3M dino nga pobuuon kumaa tutumombuhui.

Ontok po nogi dino, minoboos i Ganesh suvai ko K3M, TLDM ontok diti nga popointutun ‘Sea Alert’ kumaa koisaan kapal ngaavi Malaysia.

“Sea Alert papasangon id desktop kapal miampai papanau izikoi simulasi om ahapas dino kivaa kantakan tootopot do antakan, aanu monguhan tosisikap,” ka disido.

Naamot dino, ka disido boogizan disido id suang kalaja mindau padang montok popointahang aplikasi K3M miampai Sea Alert kumaa tinimungan maritime.

“Kapal ngaavi dagai (TLDM) i monoodo koponoizukan sumoomo miampai monginsada, mogiigizon pulau om tutumombuhui montok popointahang poingkuo guno aplikasi diti,” ka disido.

Minoboos isido aplikasi dino monguhan kalaja ngaavi luputan om kopohuzungan kopoihaan montok momogompi sinuau tuhun ginumuan hoohobi no kozo i popoompit abaabazan id daat. Bernama

   
Email Print
   
 
 
E-browse