Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
OPPO A3 invades the market |  Pink Evans muncul dengan single pertamanya "Jujur ku tak bisa" |  Isu bekalan air bersih di Ranau akan diatasi: Abidin |  Kes denggi di Labuan meningkat 62 kes |  Agong sokong langkah berhemat, pemansuhan GST |  Sabah Ports and Harbours Dept Director among four remanded for bribery investigation |  Pygmy elephant found dead on oil palm plantation |  Sabah has the most unemployed graduates in country |  Shafie the right man for the job! |  Matlan: Nominate suitable candidates! |  MAGANU HAANG KUMAA KOMPONI AU NAKAHANTOI MINOMONGO VOKOK VAIG ID BEAUFORT |  Norzawiyah, koonduan koiso sabaagi Potunud JaPen Sabah |  Potunud, tohu kuntilikto nokogompit susuap tinaan naamot |  USCI medical and pharmacy roadshow |  Welder Training Programme for Sabahan youth | 
 Kadazan Dusun

KOONDUAN NAAVUK NAKAANSUL APAT KUSAI GISOM NAPATAI NOOVIT KUUT

13th July, 2018

TAWAU: Songuhun koonduan dikoniab pinotoguvang id Kuut Majistret Tawau montok totondos nontodonon kinapatazon apat kusai om songuhun vagu noindamaan nosinduahan id suang kohigaganan nokopoundun kiniopon di Tadau Minggu nakatahib.

I natandasan, Olivia Chong Oi Yun, 34, natandasan minonoodo kahasaan dino di kuang hobi jam ko 1.20 minsusuvab ontok di ko 8 Vuhan Kotuu 2018 id Jalan Chong Thien Vun doguvang Hongkod Komersil BDC (1 Arena) ontok papanau id suang koozuzuvo alcohol di ogumu id suang tinan gisom nontodonon kapatazon om kosinduahan.

Saviavi di nopujulan kiniopn dino Hiew Nyuk Wei, 30, Clawence Wong Vui Kit, 21, Dicson Lim Kien Shing, 16 om Chung Vui Chan, 21, montok di noindamaan nosinduahan nopo nga i Ching guan Xiong, 21.

Totondos binasa id doguvang Majistret Ferhanshah Farene Mohd Ferdaus. Sundung i do ingkaa, aiso pinongokunan nosuat mantad di natandasan.

Kuut pinapatantu ontok ko 15 Vuhan Kavahu sabaagi tadau moboos mahik kiis montok indad luputan kimia poimgonop di natandasan miampai saviavi di munggui.

Kiis i tinoina di Kumoduvo Mamadawa Wan Muhammad Fitri Wan Azizan dino au minanaak jamin kumaa di natandasan id saasabap koumohigan.

Nga di savat pibaasan kuut minanaak jamin RM4,000 miampai duvo mamajamin, lisin pinotood naamot gisom kiis opupusan, pasport tinaan om i natandasan mositi mooi sogu potitikid duvo minggu insan kumaa upisol monoizuk. I natandasan dawahon tumanud Seksyen 44(1)(b) Akta Padsakazan Talun-alun 1987 i manakadai ukum tolungku takavas 10 toun om danda takavas RM20,000.

Poguhui diti, nosogu songuhun koonduan i papanau iso kulita Vios nakaansul apat kusai om songuhun vagu noindamaan nosinduahan i songindikau id pataadan kulita Hongkod Komersil BDC (1) Arena), Talun-alun Chong Thien Vun.

Id suang kinantakan dino, papanau i naavuk dino nokolumpak iso van kavo Toyota Hiace gisom nabahik mimapai duvo kulita toiso-iso kavo Perodua Bezza om Myvi. Bernama

   
Email Print
   
 
 
E-browse