Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
OPPO A3 invades the market |  Pink Evans muncul dengan single pertamanya "Jujur ku tak bisa" |  Isu bekalan air bersih di Ranau akan diatasi: Abidin |  Kes denggi di Labuan meningkat 62 kes |  Agong sokong langkah berhemat, pemansuhan GST |  Sabah Ports and Harbours Dept Director among four remanded for bribery investigation |  Pygmy elephant found dead on oil palm plantation |  Sabah has the most unemployed graduates in country |  Shafie the right man for the job! |  Matlan: Nominate suitable candidates! |  MAGANU HAANG KUMAA KOMPONI AU NAKAHANTOI MINOMONGO VOKOK VAIG ID BEAUFORT |  Norzawiyah, koonduan koiso sabaagi Potunud JaPen Sabah |  Potunud, tohu kuntilikto nokogompit susuap tinaan naamot |  USCI medical and pharmacy roadshow |  Welder Training Programme for Sabahan youth | 
 Kadazan Dusun

MTIB oviton mumpazat tinimungan pakalaja poimbida: Tangau

13th July, 2018

KOTA KINABALU: Kotinanan Pomounan Kazu Malaysia (MTIB) oviton sumuang mumpazat tinimungan pakalaja poimbida i tuidongon Komontilian Pidagangan om Pomounan Sabah montok miboos mogisusuvai ahal kogompit pomounan kazu ngaavi id pogun diti.

Kumoduvo Vozoon Montili Sabah Datuk Seri Wilfred Madius Tangau minoboos MTIB papanau tonggungan kiguno id suang tinimungan pakalaja poimbida dino kaampai no pibaasan kokomoi kopotoundaan kalatas Kabinet montok mangatag mooi polinta au papasaga pongudalan kazu balak mantad Sabah.

Tangau i nogi Montili Pidagangan om Pomounan Sabah minoboos au kapasagaan naamot pongudalan kazu balak miaga di pinoboos poguhui diti, dati mositi potimpuunon vagu montok mamagazat pongingintong papaapu dahabus montok papaapu id suang pomounan mintingisan kinontodonon kazu id pogun dino.

“Maamaso tokou monoizuk ahal diti kokomoi poingkuo montok mamadadi au papasaga pongudalan balak diti sabaagi potindooi. Au papasaga potindooi kapanaak ogumu kouhanan kumaa papaau mantad pototongkop pomogunan montok mikot id Sabah,” ka disido.

Minoboos i Tangau dino kuminaa magaganu abal kahapas nokotimo kotombuhuzan pamantangan mantad Huguan Potunud MTIB Datuk Jamaluddin Harun. Tuminombuhui pamantangan nogi kuminaa di Tangau di koniab Huguan Upisol Eksekutif Kumpulan SIRIM Berhad Prof Ir Dr Ahmad Fadzil Mohamad Hani.

Minoboos i Tangau poguhui diti au nogi haid pinapasaga o polinta pongudalan balak id Sabah om haang dino nakagazat papaapu dahabus popobuu pomounan kapanadaan perabot dioho id pogun diti, nga papaapu nokogompit nokotoguvang kobohingkangan kaganapan poimata (kazu balak) songian au kapasagaan dino kinodong mahik.

Mantad dino, minoboos isido boogizan disido mazaa tinimungan pakalaja poimbida dino miboos miampai mogisusuvai boogizan kaampai no agensi polinta i kitonggungan id suang kohobusan balak, mamain pomounan perabot miampai MTIB sondii, id suang popotounda kalatas kalaja montok pibaasan id Kabinet Pogun.

Ka disido, kohobusan pomounan perabot id pogun diti nokotoguvang kotuunan di okito kozo toun kumaa tun om iso mantad nontodonon dino nopo nga aiso kaadangan piahatan mamain pomounan miampai kaganapan poimata (kazu balak) id Sabah.

Sabaagi pomitanan, minoboos isido mamain pomounan perabot id Sabah momoguno kaganapan kazu kavo acacia magium, nga kaganapan poimata dino udalon kumaa Vietnam gisom ontodonon okuangan kaganapan dino montok pomounan mintingisan kinoizonon.

Tumanud di Tangau, boogizan disido nga miboos miampai MTIB kogompit tangangazan tagazo Sabah montok papahabus mogisusuvai kohobusan kinontodonon puun piasau mamau saasabap no do Sabah kivaa uvang kiginazo 1.55 lizong hektar i tinanaman miampai kaganapan komoditi dino.

Ka disido kohobusan kinontodonon puun piasau mamau kitangazan ukabon papaapu saasabap no do teknologi kogompit kohobusan momoguno kaganapan poimata dino miampai kapadagangan di nokotounda. Bernama

   
Email Print
   
 
 
E-browse