Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
OPPO A3 invades the market |  Pink Evans muncul dengan single pertamanya "Jujur ku tak bisa" |  Isu bekalan air bersih di Ranau akan diatasi: Abidin |  Kes denggi di Labuan meningkat 62 kes |  Agong sokong langkah berhemat, pemansuhan GST |  Sabah Ports and Harbours Dept Director among four remanded for bribery investigation |  Pygmy elephant found dead on oil palm plantation |  Sabah has the most unemployed graduates in country |  Shafie the right man for the job! |  Matlan: Nominate suitable candidates! |  MAGANU HAANG KUMAA KOMPONI AU NAKAHANTOI MINOMONGO VOKOK VAIG ID BEAUFORT |  Norzawiyah, koonduan koiso sabaagi Potunud JaPen Sabah |  Potunud, tohu kuntilikto nokogompit susuap tinaan naamot |  USCI medical and pharmacy roadshow |  Welder Training Programme for Sabahan youth | 
 Kadazan Dusun

Atelier Creative Studio mogihum bakat wagu

13th July, 2018

“POINTALANGO’ bakat om wonsoi dokoyu”, ilo’ no kopongunsuban mantad Atelier Creative Studio (ACS) montok di tongorohian doid mogisuai-suai raan seni kosuul no id pogun diti loolobi no id posoosorili’ Kota Marudu.

Montok mamagampot do hontolon dilo’, di kaawagu diti ACS miampai do Penampang Studio Sdn. Bhd om Koisaan KDMFM pinapaanjur iso’ ababayan kopogihuman bakat wagu montok kaganaan lokunan, suminding, sayau om koponsupuan sinding id longkod ACS doid Kakadayan Kota Marudu.

Abaayan dilo’ nakaramit nogi’ do kosokodungan mantad komposer nointutunan i Asmin Mudin om susuminding, i LP Raphiel Pinus i po nogi’ Porosidin Koisaan Artis Nokoiyonon Sabah (Pertisa).

Tumanud di Luguan Upisor Eksekutif (CEO) ACS i Jerren Deff Juas, kopogihuman do bakat wagu osuul montok koburuon pomorunan seni id pogun Sabah.

Pinointalang disio do ACS nga’ monokodung nogi’ di artis i orohian do mongutip sinding id studio diolo’.

Suai mantad dilo’, ACS poposodia’ nogi’ do kakamot pamagambaran drama, telemovie, filem om susuai po, ka disio.

Id ababayan dilo’ pinopolombus isio kopongunsikohan kumaa di Upisor MARA Kota Marudu i Sofian Sumain i minanahak kosiwatan om koiyonon do ACS id linimput kadai MARA doid kakadayan nokomoi.

Pinapapalantoi po nogi’ do ababayan dilo’ i potunud nointutunan Tony Francis Gitom (Penampang Studio) i pinopoilang do nawaawaya’an nogi’ kopointalangan kokomoi do kaganaan balakun.

Naamot dio’ Asmin dii LP Raphiel minanahak kosokodungan id kopogihuman bakat wagu susuminding. Ka di Asmin, ababayan miagal diti osonong kopio tu’ koihum do bakat wagu id mogisusuai kaganaan seni id pogun diti potilombus dino aanu popointanga’ monowoli di artis laid.

Kinopongonjuran ababayan dilo’ miampai amu’ mitilombus koposindak po nogi’ do pomorunan seni id Sabah. Montok kotilombuson, KDMFM om Penampang Studio minisokodung miampai ACS pinapaanjur ‘Perkampungan Filem dan TV Kota Marudu’ susuhotonon do pinamagambaran telemovie ki’uhu do ‘Rogon’.

   
Email Print
   
 
 
E-browse