Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
OPPO A3 invades the market |  Pink Evans muncul dengan single pertamanya "Jujur ku tak bisa" |  Isu bekalan air bersih di Ranau akan diatasi: Abidin |  Kes denggi di Labuan meningkat 62 kes |  Agong sokong langkah berhemat, pemansuhan GST |  Sabah Ports and Harbours Dept Director among four remanded for bribery investigation |  Pygmy elephant found dead on oil palm plantation |  Sabah has the most unemployed graduates in country |  Shafie the right man for the job! |  Matlan: Nominate suitable candidates! |  MAGANU HAANG KUMAA KOMPONI AU NAKAHANTOI MINOMONGO VOKOK VAIG ID BEAUFORT |  Norzawiyah, koonduan koiso sabaagi Potunud JaPen Sabah |  Potunud, tohu kuntilikto nokogompit susuap tinaan naamot |  USCI medical and pharmacy roadshow |  Welder Training Programme for Sabahan youth | 
 Kadazan Dusun

PDLS nakalantoi pinapaanjur Ramai Kaamatan montok toun kumoduo

13th July, 2018

KOTA MARUDU: Koisaan Dusun Luba Sabah (PDLS) di kaawagu diti pinapaanjur Ramai Kaamatan nayatan pogun Sabah id Kampung Tangkol, kiikiro 15 kilometer mantad kakadayan diti.

Karamaian i nakaanjur montok toun kumoduo dilo’ notindapou kiikiro 1,500 mogiigiyon tinaru Dusun Luba mantad posoosorili’ watas dilo’ om nogi’ mantad Kota Belud.

Id karamaian dilo’ i pinoindalan doid Lintuhun Mogisuaiguno Kampung Tangkol pinoimagon di Dato’ Verdon Bahanda i po nogi’ Potunud Yayadan Verdon Bahanda Sabah.

Id booboroson disio, minamarayou isio do pinggisoman lalansanon PDLS i nokoporojistor do koisaan nokomoi doid Koupisan Porojistoran Kotinanan (ROS).

Minonongkounsikou nogi’ isio mantad kinapangalapan do popoimagon karamaian nokomoi om pinoposotol do kosuulon kopurimonan potitikid tinaru do minggisom tumunda’ kaampai no maya’ do koisaan.

Pogulu dilo’ kinorikotan di Verdon tinanud di 50 mutusoikol mantad id Kampung Talamas. Nokopogulu i tongo’ momuruan do PDLS id booboroson diolo’ minongunsikou kumaa di Verdon mantad no do kopomodulianan disio do koisaan nokomoi suai ko’ pinopouhup do kousinan pinapalantoi kinopongonjuran karamaian nokomoi.

Wookon ababayan pinoindalan kaampai no sipoot koubasanan om kopomurutan tikit kinasip i nokoposodia’ do mogisusuai tutungkap koimbayat kaampai no kakamot om tongo’ kobuuburuon lotirik, hamper om nogi’ bosikol. Pinokitanan po nogi’ o sayau doun koubasanan tinaru Dusun Luba ilo’ nopo nga’ sayau ‘Lohobon’ om ‘Tingaton Botumbuk’.

Limunduk do karamaian dilo’ pinoindalan pinialaan Sugandoi i natanud di 15 tulun piboi om Runduk Ngadau natanud di 12 kosumandakan Dusun Luba’.

Ginumuan linihis po nogi’ di artis nokoiyonon matnad Kampung Marak-Parak, i Fazhon ND Budan.-LP

   
Email Print
   
 
 
E-browse