Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Kerajaan digesa selesai masalah mendapan pasir sungai Tampasuk |  Lebih 60 rumah rosak di Tanjung Batu Laut akibat ribut, hujan |  60 hamin noumbak tu tongus topuod id Tawau |  Overseas stint for Sabahan Masturah |  Shuttler Goh wins men’s singles |  Ben among stellar cast |  Senior police officer fined RM20,000 for having illegal immigrant in house |  More charter, extra flights to Sabah |  Fighting cocks possible H5N1 source according to Junz |  Green turtle likely killed by boat propeller |  Death of elephants haunts Minister |  Over 60 houses damaged in storm |  GBS will be new opposition bloc |  Ministry starts working on solving Sabah unemployment issues |  Pemegang kad pengenalan merah lebih 60 tahun diberi taraf warganegara: PM | 
 Kadazan Dusun

Puru sindiket momonsoi kad kointutunan aragang ginambit

7th August, 2018

Di NAZRINI BADARUN

TAWAU: Pulis do hiti minamagambit onom tulun nokoiyonon kaampai songulun komulakan koonduan kiumur 15 toun i kotumbayaan nokogompit id sindiket momonsoi kad kointutunan aragang (Permastautin Tetap).

I Luguan Pulis Watas ACP Fadil Marsus i pinopoimagon kinapanahanan dilo’ pinopoilo, koinsanai tulun nokoiyonon kiumur pialatan 15 gisom 58 toun dilo’ tinahan id tolu kinoiyonon sopisuai id watas diti.

Ka disio songulun rurumuput i po nogi’ nokoimamang ruminuput pulis soira’ nokopuriman naakalan di songulun kusai i pinopouyu do kotorinaan monorina’ kad kointutunan aragang sundung pia do amu’ ogonop dokumen sokodung.

“I nogompitan ruminuba’ kusai dilo’ di kolimpuunon wulan Ko’onom 2018 kiikiro jaam ko 3 sodopon id songinan upis doid Hill Top om sinunudan do koponguhup disio id kapamansaian kad kointutunan aragang.

“Gaagama’ do naakalan, i nogompitan pinapatahak tusin RM150 montok kapamansaian nga’ kad kointutunan i pinabatos amu’ naanu toi nunu-nunu dokumen kopokito upalai mamaso tompuanon,” ka disio.

Nosusuhut ruputan dilo’, pinonungodan om kinopomogombitan winonsoi di sontinimungan puru pulis binuruan di Insp. Ziqri Rayyan Rayner Pius.

Pinonungodan kumoiso’ winonsoi doid Kampung Seri Menanti, Jalan Mawar di ko 24tw Koturu’ kiikiro jaam ko 8.40 totuong nakapamagambit di notondosan i rinuba’ di nogompitan.

Posusuhut dilo’ pulis minonungod om minomonsoi kopogombitan id Kampung Seri Rejek, Jalan Tunku Osman om minanahak notondosan koduo om kotolu ontok tadau di miagal.

Di ko 26tw Koturu’, kiikiro jaam ko 7 sodopon, puru pulis minomonsoi kinopomogombitan tolu po notondosan id lobi songinan hotel doid Jalan Bunga.

Naahou do pulis piipiro fail kisuang kupi paspot om kupi setifikit kinosusuon di mongungupalai, foom upalai kad kointutunan aragang nogi’ dokumen kolulusan pinotomod porojistoran kointalangan mogiigiyon id pogun Sabah.

Suai ko ilo’, duo buuk rikod porojistoran pambayaran, duo telipaun piowit-owit pungaran Leagoo C3 om Nokia mitonggoi simkad, iso’ tab pungaran Samsung om mitonggoi simkad.

Naahou nogi’ 12 kaping risit pambayaran, pendrive pungaran Apacher, poiyanan tusin kisuang do RM4,907 om songinan padsakaian 4WD ponit Isuzu D-Max wotik opurak.

Kiis dilo’ ka disio kakal soriukon id sahau Seksyen 420 Kanun Keseksaan miampai sindiket nokomoi kotumbayaan nokoindalan mantad podi ko 15tw Kaapat toun diti.

Kohondot dilo’ pinokianu di Fadil tulun ginumuan do amu’ aakalan diolo’ i popouyu kotorinaan momonsoi kad kointutunan aragang miampai bayaran di atantu’.

Id timpu di miagal pinokianu disio tulun ginumuan i nokoimamang do momonsoi ruputan om monguhup ponoriukan.

   
Email Print
   
 
 
E-browse