Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Kerajaan digesa selesai masalah mendapan pasir sungai Tampasuk |  Lebih 60 rumah rosak di Tanjung Batu Laut akibat ribut, hujan |  60 hamin noumbak tu tongus topuod id Tawau |  Overseas stint for Sabahan Masturah |  Shuttler Goh wins men’s singles |  Ben among stellar cast |  Senior police officer fined RM20,000 for having illegal immigrant in house |  More charter, extra flights to Sabah |  Fighting cocks possible H5N1 source according to Junz |  Green turtle likely killed by boat propeller |  Death of elephants haunts Minister |  Over 60 houses damaged in storm |  GBS will be new opposition bloc |  Ministry starts working on solving Sabah unemployment issues |  Pemegang kad pengenalan merah lebih 60 tahun diberi taraf warganegara: PM | 
 Kadazan Dusun

Najib dawahon baino id pinoposimban usin aiso kasagaan sakadai SRC

8th August, 2018

KUALA LUMPUR: Bagas Huguan Montili Datuk Seri Najib Tun Razak, i nokotoguvang tohu totondos minamabak kotumbazaan (CBT) om iso totondos huminasa kuasa popoompit sakadai kiginumu RM42 lizong do SRC International Sdn Bhd o sanganu, pisosoomo dawahon id kuut baino id tohu totondos kosimbanan usin aiso kasagaan.

Tumanud sandad mantad Suruhanjaya Panahaban Susuap Malaysia (SPRM), oviton i Najib id kuut Sesyen id Kompleks Kuut Jalan Duta, montok kotoguvang tohu vagu totondos popoompit sakadai SRC tumanud Seksyen 4(1) Akta Kosimbanan Usin Aiso Kasagaan, Panahaban Kapanadazan Siniou om Asil mantad Abaabazan Aiso Kasagaan 2001 (AMLATFA).

“Dawahon isido miampai tohu totondos pouangon,” ka do sandad dino.

Seksyen dino manakadai danda takavas RM5 lizong toi ko tolungku gisom himo toun toi ko duuduvo dino, nung kogompit kahasaan.

Kiis dino kinongoon id doguvang Hakim Kuut Sesyen 9 Hakim Azura Alwi.

Ontok ko 4 Vuhan Kotuu nakatahib, Najib, 65, minangakun au nakahasa id Kuut Takavs id doiti kumaa tohu totondos CBT om iso totondos humasa kuasa popoompit sakadai SRC.

Kiis dino potontuon montok ponoinaan kiis baino id doguvang Hakim Kuut Takavas Mohd Nazlan Mohd Ghazali. Boogizan kuut nga pinopovihiu pangantob om popotounda kaunter kopolijistahan montok monguhan media monoodo koponuatan kootulan kiis om pamadawahan kuut di Najib.

Asil pongintangan id kuut dino noihaan duvo nuzudan tampat tikoon pinotounda montok media om toiso-iso nuzudan montok paganakan di natandasan om puu SPRM. Bernama

   
Email Print
   
 
 
E-browse