Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Kerajaan digesa selesai masalah mendapan pasir sungai Tampasuk |  Lebih 60 rumah rosak di Tanjung Batu Laut akibat ribut, hujan |  60 hamin noumbak tu tongus topuod id Tawau |  Overseas stint for Sabahan Masturah |  Shuttler Goh wins men’s singles |  Ben among stellar cast |  Senior police officer fined RM20,000 for having illegal immigrant in house |  More charter, extra flights to Sabah |  Fighting cocks possible H5N1 source according to Junz |  Green turtle likely killed by boat propeller |  Death of elephants haunts Minister |  Over 60 houses damaged in storm |  GBS will be new opposition bloc |  Ministry starts working on solving Sabah unemployment issues |  Pemegang kad pengenalan merah lebih 60 tahun diberi taraf warganegara: PM | 
 Kadazan Dusun

Crystaline Jaisus bontugan MGM Karamaian Magahau 2018

8th August, 2018

MATUNGGONG: I Tati Crystaline Jaisus mantad Zon Matunggong ginaa’an do Gaa’ Bontugan Mitarab Gimpuhut Momogun Rungus (MGM) kopihondot do Karamaian Magahau 2018 i nokoindalan doid walai tanaru Puruvan Square do hiti di kaawagu diti.

Mantad kinalantaion dilo’, nakaramit i Crystaline do tutungkap kigatang kiikiro RM10,000 kaampai nogi’ tikit misoguli’ kumaa London, hamper mantad Kak Fai Legasi kigatang do RM400, tiara om nogi’ setifikit.

Nokoindikau taang koduo, i Clearviana Frankie Yong i po nogi’ mantad Zon Matunggong nopo nga’ nakaramit tutungkap tusin RM3,000, setifikit om hamper, sinusuhut di Natalie Michael Bouniu (Zon Pitas) id taang kotolu miampai tutungkap tusin RM2,000, setifikit om hamper.

Nakalantoi taang kaapat i H. Irene Hillary (Zon Beluran) nakaramit tusin RM1,000, setifikit om hamper, naamot i Clealissa Johanis (Zon Kota Marudu) nokoindikau taang kolimo, om koonom i Evelyn Vincent (Zon Pitas), naamot di Rayvienia Jane R. Alfred-Atajau (Zon Kota Kinabalu) nokoindikau taang koturu’.

Koinsanai diolo’ nakaramit tutungkap saguhati, setifikit om nogi’ hamper.

Montok gaa’ pinotomod do Komitikuasa’ MGM Nayatan Pogun 2018, Gimpuhut Vasi Momilang (Miss Natural Beauty) nalantoi di H. Irene Hilary, Gimpuhut Vasi Tiningkokoton (Miss Body Beautiful) nasanganu di Clealissa Johanis om i Gimpuhut Otumi (Best Dressed) pinatahak kumaa di Vivienne Lasrin.

Gaa’ Gimpuhut Tosuau (Miss Friendship) nopo nga’ pinatahak kumaa di Evelyn Vincent, Gimpuhut Kaangakkan (Miss Popular – Pinili’ Mio’ontong) nalantoi di Natalie Michael, Gimpuhut Miss Popular FB (pinili’ maya’ undian Facebook) nalantoi di Jeanie Tai Set Fhun.

Soginumu’ do 21 piboi minongobi’ turu’ zon id Sabah om Semenanjugn Malaysia minampai doid MGM Karamaian Magahau toun diti.

I Montiri Koporintaan Nokoiyonon om Pomuwalaian Sabah Dato’ Dr Jaujan Sambakong minongobi’ di Boyoon Montiri Datuk Seri Mohamad Shafie Apdal pinopoimagon do limunduk karamaian dilo’ i notindapou di kiikiro 5,000 tulun kaampai tutumombului labus pogun.

Noktoindapou po nogi’ i bagas mobi’ rayat Matunggong i Dato’ Jelani Hamdan i po nogi’ Porosidin Koisaan Momogun Rungus Sabah (SAMORA), mobi’ di Mongunguhup Upisor Watas Tokoro’ Matunggong i Joumat, Kumoduo Porosidin SAMORA Jose Modsinupu, Luguan Pulis Watas Kudat Supt Douglas Taong om tongo’ porosidin-porosidin koisaan.

Karamaian Magahau 2018 pinaanjur do SAMORA miampai sokodung Komontirian Ponombuluyan om Koubasanan Malaysia, Koupisan Boyoon Montiri om nogi’ Kotinanan Ponombuluyan Sabah.

   
Email Print
   
 
 
E-browse