Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Kerajaan digesa selesai masalah mendapan pasir sungai Tampasuk |  Lebih 60 rumah rosak di Tanjung Batu Laut akibat ribut, hujan |  60 hamin noumbak tu tongus topuod id Tawau |  Overseas stint for Sabahan Masturah |  Shuttler Goh wins men’s singles |  Ben among stellar cast |  Senior police officer fined RM20,000 for having illegal immigrant in house |  More charter, extra flights to Sabah |  Fighting cocks possible H5N1 source according to Junz |  Green turtle likely killed by boat propeller |  Death of elephants haunts Minister |  Over 60 houses damaged in storm |  GBS will be new opposition bloc |  Ministry starts working on solving Sabah unemployment issues |  Pemegang kad pengenalan merah lebih 60 tahun diberi taraf warganegara: PM | 
 Kadazan Dusun

Najib nadawa minonoimo usin RM42 lizong asil abaabazan aiso kasagaan

9th August, 2018

KUALA LUMPUR: Bagas Huguan Montili Datuk Seri Najib Tun Razak pinotoguvang id Kuut Sesyen id doiti, di koniab id tohu totondos minonoimo susuap kiginumu RM42 lizong asil mantad abaabazan aiso kasagaan id nombo usin dino SRC International Sdn Bhd o sanganu, id suang duvo buuk akaun disido, apat toun nakatahib.

Sundung i do ingkaa, aiso pinongokunan nosuat mantad di Najib, 65, kahapas kotootohu totondos binasa id doguvang Hakim Azura Alwi.

Kuut pinapasaga upalai mamadawa mooi kiis poundohion kumaa Kuut Takavas.

Montok totondos koiso gisom kotohu, nadawa i Najib minonoimo usin kiginumu RM27 lizong, RM5 lizong om RM10 lizong i nogi asil mantad abaabazan aiso kasagaan, mazaa Real Time Electonic Transfer of Funds and Securities (“Rentas id suang duvo akaun AmIslamic Bank Berhad disdio sanganu kinumul 2112022011880 om 2112022011906.

Natandasan isido minonoodo saviavi kahasaan dino id AmIslamic Bank Berhad, Louting AmBank Group, No. 55, Jalan Raja Chulan id doiti piahatan 26 Vuhan Koopod om Duvo 2014 om 10 Vuhan Koduvo 2015.

Pamadawahan pinataak tumanud Seksyen 4(1)(b) Akta Panahaban Koposimbanan Usin Aiso Kasagaan, Panahaban Kapanakadazan Siniou om Asil mantad Abaabazan Aiso Kasagaan (AMLATFPUAA) 2001 i kavasa ukumon id siibo Seksyen 4(1) akta di miaga.

Seksyen dino manakadai ukum tolungku takavas 15 toun om nogi danda au okuang mantad himo kolipat ginumu toi ko hoogo asil mantad abaabazan aiso kasagaan, toi ko koumatan kahasaan dino id timpu kinahasaan tinoodo toi ko RM5 lizong toi ko noonombo di hobi kinavas, nung kogompit kahasaan.

Ontok di ko 4 Vuhan Kotuu nakatahib, minangakun i Najib au nakahasa id Kuut Takavas id doiti kumaa tohu totondos panahaban susuap (CBT) om iso totondos huminasa momoguno kuasa popoompit sakadai kiginumu RM42 lizong SRC International Sdn Bhd sanganu.

Najib huminansan luyal Tan Sri Muhammad Shafee Abdullah montok pamadawahan hinuguan di Huguan Unit Pombisalaan om Kopokinsianan Koupisan Luyal Pogun Datuk Mohamad Hanafiah Zakaria. Bernama

   
Email Print
   
 
 
E-browse