Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Kerajaan digesa selesai masalah mendapan pasir sungai Tampasuk |  Lebih 60 rumah rosak di Tanjung Batu Laut akibat ribut, hujan |  60 hamin noumbak tu tongus topuod id Tawau |  Overseas stint for Sabahan Masturah |  Shuttler Goh wins men’s singles |  Ben among stellar cast |  Senior police officer fined RM20,000 for having illegal immigrant in house |  More charter, extra flights to Sabah |  Fighting cocks possible H5N1 source according to Junz |  Green turtle likely killed by boat propeller |  Death of elephants haunts Minister |  Over 60 houses damaged in storm |  GBS will be new opposition bloc |  Ministry starts working on solving Sabah unemployment issues |  Pemegang kad pengenalan merah lebih 60 tahun diberi taraf warganegara: PM | 
 Kadazan Dusun

ASEAN pointoundan papaatod kotuhungan kumaa Pulau Lombok

9th August, 2018

PUTRAJAYA: Malaysia om sizam vagu puu ASEAN pinopoiho kotoundaan papaatod sakadai om misi kosianan kumaa Pulau Lombok, Indonesia sumusuut mantad kinoguzuan tana kitukuan 7.0 id skala Richter i nokoguzu pulau dino di Tadau Minggu.

Montili Habus Datuk Saifuddin Abdullah minoboos ahal dino pinoboos id suang suat kumaa Montili Habus Idonesia Retno Marsudi mazaa Monunuat Tagazo ASEAN Datuk Lim Jock Hoi ontok Tadau Koiso.

“Id suang kointahangan pisokodungan dino, montili ngaavi habus pogun ASEN pinopohombus koiadan om pinopoiho ASEAN pointounda manaak kotuhungan kumaa polinta om layat Indonesia mantad no kinantakan kinoguzuan tana id Lombok,” ka disido id pitimbungakan media kahapas abaabazan popoinsavat bondila kopiondot koponoimaan Tadau ASEAN ko-51 id Wisma Putra, id doiti di koniab.

Nokotindapou nogi Kumoduvo Montilia Habud Datuk Marzuki Yahya. Nokotindapou nogi hahansanon duta mantad sizam pogun ASEAN om 30 diplomat id malaysia.

Suat kumaa Retno dino vookon dino pinopoiho Sekretariat ASEAN om Hongkod Koponoinaan ASEAN montok Sakadai Kosianan (AHA Centre) pointounda om mongkimamaa montok sumokodung polinta Indonesia monguhan tanda koguzuan om nogi mongingaan kosinduahan munggui id savat ikoton ‘One Asean One Response’.

Kogompit layat Malaysia id Lombok, minoboos i Saifuddin kuang hobi 200 layat pogun diti i id Pulau Lobok nosogu id suang koozuzuvo atampasi om vookon ginumu mantad dioho nokouhi no id pogun nontodonon.

Minoboos isido tinimungan Malaysia i hinuguan Huguan Monunuat Komontilian Suang Pogun Datuk Alwi Ibrahim i nokotindapou pitimbungakan koumohigan id Pulau Lombok natampasi nokouhi id Malaysia di doungadan songkoniab.

Ontok di Tadau Minggu nakatahib, kinoguzuan miampai vinakas 7.0 id skala Richter nokoguzu Pulau Lombok, Indonesia om nopoundun hobi 90 kiniopon mogiigizon.

   
Email Print
   
 
 
E-browse