Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Kerajaan digesa selesai masalah mendapan pasir sungai Tampasuk |  Lebih 60 rumah rosak di Tanjung Batu Laut akibat ribut, hujan |  60 hamin noumbak tu tongus topuod id Tawau |  Overseas stint for Sabahan Masturah |  Shuttler Goh wins men’s singles |  Ben among stellar cast |  Senior police officer fined RM20,000 for having illegal immigrant in house |  More charter, extra flights to Sabah |  Fighting cocks possible H5N1 source according to Junz |  Green turtle likely killed by boat propeller |  Death of elephants haunts Minister |  Over 60 houses damaged in storm |  GBS will be new opposition bloc |  Ministry starts working on solving Sabah unemployment issues |  Pemegang kad pengenalan merah lebih 60 tahun diberi taraf warganegara: PM | 
 Kadazan Dusun

Upisol Kositum vookon di tinaan do SPRM id ponoizukan kiis ponuapan

10th August, 2018

TAWAU: Songuhun upisol totuo kositum, vookon tohu tuhun kokusazan di tinaan do Suruhanjaya Panahoban Ponuapan Malaysia (SPRM) montok manakadai ponoizukan kiis kogompit koimaan kahasaan pinopoidu iso padau natantaman nakadaandang undang-undang.

Upisol kogompit miampai do duvo kalani iso komponi padsakazan om ponindahan kiumul id piahatan 29 om 49 toun, diho tinaan id upis SPRM om nogi posoihi kakadazan doiti di songkoniab id piahatan jaam ko 5.15 minsosodop om jaam ko 7.35 doungosodop.

Tumanud ontodonon kopoihaan do SPRM, pinanaanan do pakalaja kositum diho kikotumbazaan tu sabap minokianu usin susuap soginumu RM3,000 mantad songuhun kusai sabaagi husi montok popoidu do iso padau i kaka dino do kivaa kahasaan, iho nopo nga au pinopoimagon injin miampai do padau i nudal mantad Jipun dino.

Duvo kalani nokomoi nopo nga tososondii tinaan tu natantaman monongkiubu minonoimo usin susuap om nogi duminadi tuhun tanga id kiis nokomoi.

Savi avi dioho baino tinaan reman onom tadau tuminimpuun di koniab montok manakadai ponoizukan tumanud Seksyen 16(a) om 17(a) Akta SPRM 2009.

Polinta kinapataanan diho pinahabus di Majistret Herlina Muse, id Kuut Majistret Tawau, di koniab. Prosiding montok kaanuan polinta panaanan reman diho tinoguvang di Panakadai Monguasa Jaffaruddin Shahari. -Bernama

   
Email Print
   
 
 
E-browse