Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Kerajaan digesa selesai masalah mendapan pasir sungai Tampasuk |  Lebih 60 rumah rosak di Tanjung Batu Laut akibat ribut, hujan |  60 hamin noumbak tu tongus topuod id Tawau |  Overseas stint for Sabahan Masturah |  Shuttler Goh wins men’s singles |  Ben among stellar cast |  Senior police officer fined RM20,000 for having illegal immigrant in house |  More charter, extra flights to Sabah |  Fighting cocks possible H5N1 source according to Junz |  Green turtle likely killed by boat propeller |  Death of elephants haunts Minister |  Over 60 houses damaged in storm |  GBS will be new opposition bloc |  Ministry starts working on solving Sabah unemployment issues |  Pemegang kad pengenalan merah lebih 60 tahun diberi taraf warganegara: PM | 
 Kadazan Dusun

Apat momboom sada’ minogundoronok puru koumoligan tinahan

10th August, 2018

Di MARLINA MACPEE

LAHAD DATU: Tinimungan Pulis Marin (PPM) Lahad Datu minanahan apat kusai songkosuayan soira’ minumbal moninduol miampai pinopoligod do ‘objek’ kitapui kumaa puru tinimungan koumoligan di maso tahanon sabab kotumbayaan minonginsada’ momoguno boom sada’, id watas kowoigan Malampaya, doros hiti, di tadau Koduo.

Komander ESScom DCP Dato’ Hazani Ghazali minoboros, koinsanai notondosan dilo’ tinahan di kiikiro jaam ko 5.30 sodopon di maso momboom sada’ id watas nokomoi, poinsumpak kiikiro mantad sinodu’ 0.5 batu nautika mantad buut tinimungan koumoligan.

“Sontinimungan puru PPM i mamaso popowonsoi pihoohomboan momoguno buut pomudali’ nokoruba’ do songinan buut poom i kosuusuayan.

“Poingkuro po di maso do maan tahano’ om porisaon, kaapat-apat kusai nokomoi mumbal mogidu’. Di maso pigusaan, okito piipiro notondosan pinapataam piipiro guri’ kotumbayaan boom sada’ om nogi’ sada’ poinsuang karung doid rahat.

“Id timpu di miagal, okito songulun notondosan pinopoligod ‘objek’ kitapui kotumbayaan boom sada’ id hapak do buut tinimungan koumoligan, nga’ noilag om aiso’ kinosinduolan di nokoruput,” ka disio id iso’ kopointalangan do hiti, songkoniihab.

Tumanud di Hazani, koinsanai notondosan i tinahan dilo’ kiumur pialatan 25 gisom 32 toun.

“Kiis soriukon id sahau Seksyen 353 Kanun Keseksaan sabab mumbal mogundoronok kotingoligan kukumaraja’ koporintaan,” ka disio.

Naamot dilo’, naahou nogi’ buut poom om piipiro kakamot boom sada’ i ginuno id koponginsadaan dilo’, ilo’ nopo nga’ duo unit ‘kompresor’ om piipiro kakamot suai i pinataam doid rahat i pikiikiro kigatang RM3,480.

“Koinsanai notondosan om i naahou nowit doid Pangkalan Tinimungan Pulis Marin Lahad Datu montok laang potilombus,” ka disio kawagu.

   
Email Print
   
 
 
E-browse