Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Kerajaan digesa selesai masalah mendapan pasir sungai Tampasuk |  Lebih 60 rumah rosak di Tanjung Batu Laut akibat ribut, hujan |  60 hamin noumbak tu tongus topuod id Tawau |  Overseas stint for Sabahan Masturah |  Shuttler Goh wins men’s singles |  Ben among stellar cast |  Senior police officer fined RM20,000 for having illegal immigrant in house |  More charter, extra flights to Sabah |  Fighting cocks possible H5N1 source according to Junz |  Green turtle likely killed by boat propeller |  Death of elephants haunts Minister |  Over 60 houses damaged in storm |  GBS will be new opposition bloc |  Ministry starts working on solving Sabah unemployment issues |  Pemegang kad pengenalan merah lebih 60 tahun diberi taraf warganegara: PM | 
 Kadazan Dusun

LGBT kiguno mamantang kopotutan, kopurimonan tinimungan kogumuan

10th August, 2018

PUTRAJAYA: Tulun Lesbian, Gay, Biseksual om Transgender (LGBT) pinosorou do mamatang kopurimonan om kopotutan tinimungan kogumuan mogiigiyon id pomogunan diti, ka di Kumoduo Montiri id Koupisan Luguan Montiri Fuziah Salleh.

Minoboros isio do kosuul montok koporintaan do babaino’ diti mongumolig kopurimonan om rolou kogumuan kohondot ahal nokomoi loolobi no tongo’ molohing i tumongob do tanak diolo’ aampawong di karaaralano’ koposion kaagal dilo’ nung pointutunan o do poingukab.

“Soira’ tinimungan LGBT moboros kokomoi kopotutan tulun, mamantang tokou do kopotutan diolo’, nga’ id mogiigiyon haro ogumu’ tinimungan suai i pasanganu nogi’ do kopotutan… kogumuan mogiigiyon id pomogunan diti amu’ asaga’ koubasanan nokomoi pointutunan do poingukab,” ka disio kumaa magaganu habar do hiti, konihab.

Minoboros i Fuziah dilo’ di ontok minongomi kinoponuhuan manakas duo gambar ‘aktivis’ LGBT id pokiikitanan fotografi ‘Stripes and Strokes’ kopihondot Festival Georgetown, Pulau Pinang.

“Soira’ monuhu tokou manakas (potret aktivis) okon ko’ kirati do popoindisan tokou diolo’, mamantang tokou nga’ okon ko’ gisom popointutun om mangakun diolo’ kaagal-agal do kogumuan id pomogunan diti amu’ pasanganu do rolou,” ka disio.

“Nung yolo’ (tinimungan LGBT) momoguno dilo’ id diolo’ nopo, ilo’ nopo nga’ id pialatan diolo’ om ‘Tuhan’, nga’ soira’ momoguno dilo’ id nayatan ginumuan om popointutun dilo’, nga’ pasansala’ ilo’ di kaadat-adaton om ‘syariat’. Mamantang tokou diolo’ nga’ kiguno yolo’ do manapad dilo’ montok no diolo’ sondiri,” ka disio.

Nokopogulu ontok minoboros pinopoimagon Seminar Cakna Isu-Isu Semasa “Wacana Kontemporari Wanita dan Hak Asasi”, minoboros i Fuziah do osuul montok papatantu’ koonduan koindikau sokuukuri’ 30 pihatus id nayatan momonsoi kootusan.

“Iti nopo nga’ sabab no do pomurotian i nowit do koonduan nopo nga’ sopisuai ko’ mantad kokusaian om montok manahak kaadangon id potitikid kootusan kiguno do haro pomusorohan mantad tinimungan diti,” ka disio.-Bernama

   
Email Print
   
 
 
E-browse