|
11th March, 2010
KUALA LUMPUR: Iduon do kopolintaan do pambalazan wan di poontokod kumaa doid upisol om nongokopinsin mantad kotoinaan polinta di mokianu pongusapan id hamin pongusapan polinta, tumimpuun do ko 1 vuhan Kaapat diti.
Minoboos i Huguan Potunud Kotoinaan Polinta diho, i Tan Sri Isamil Adam do tumunaud Posoihi Kotoinaan ‘Bilangan 4’ Toun 2010 di pinahabus do Koupisan Kotoinaan Polinta, pongiduan diho nga ogumo nogi montok puu paganakan om mohoing dioho.
“Pongiduan pambalazan wad diho nopo nga nga au nogi koponguntazag kosudongan do wad di pinatantu montok upisol tumanud gred upisol,” ka disido doid iso kopoihaan do doiti di koniab.
Minoboos isido do kavasaan wad montok upisol ponguhudan takavas, Gred 45-54 nopo nga Kalas 1 hinimput songuhun, Gred 31-44 (Kalas 1 hinimpu duvo tuhun), Gred 21-30 (Kalas 1 hinimput tohu tuhun)
om Gred 1-20 (Kalas 2).
Kahantazan montok puu paganakan om mohoing nopo nga poimagon tumaud kahantazan di pinatantu kumaa doid upisol polinta kogompit, ka disido.
Kavasaan wad montok nokopinsin om puu paganakan dioho nopo na tumanud gred ningkokoton touvi no do upisol poguhui do nokopinsin.
Minoboos i Ismail do nung mokianu o upisol polinta, nokopinsin, puu paganakan toi mohoing montok posuangon id wan di hobi kinavas mantad kahantazan di pinatantu, mositi o upisol polinta toi nokopinsin diho do mambalai pambalazan wad tumanud gontob di pinoontok kumaa doid tuhun polinta.
“Pokionuon nogi o upisol om nokopinsin do mambalai panjal poguhui posuangon id wad di hobi kinavas tumanud gontob dei pinatantu,” ka disido.
Minoboos isido do miampai kopokuasaan diho pinotikid kotoinaan nokomoi, mokikitoin C2 kogompit kahantazan om gontob pambalazan wan id ‘Lampiran C8 Pekeliling Bilangan 4 Tahun 2002, perenggan 11’ kogompit gontob pambalazan wad sangadau id ‘Lampiran O Pekeliling Perhidamatan Bilangan 10 Tahun 1991’ om ‘Bahagian J’ kogompit upalai pambalanjaan montok pongusapan id habu pogun id ‘Lampiran B Pekeliling Perkhimatan Bilangan 21 Tahun 2009’ nopo nga pinukas.
Minoboos i Ismail do kopoobian pinotikid kootinaan diho id songovian dino nopo nga pinataviu nogi kuminaa doid savi avi Kotoinaan Polinta Pogun, Boogizan Kikuasan Berkanun om Boogizan Kikuasa Kinoizonon.
|
