SET MOKIANU KOMONTILIAN SANDAD POTINAGAS OM POSOIHI POTINDOOZON

 

KOTA KINABALU: Sabah Environmental Trus (SET) minonuu polinta hongkod i kavavagu mooi popotindooi Komontilian Sandad Potinagas om Sandad Posoihi tu ino kiguno montok monuhung minahob kokusutan koozuzuvo pias, tana tohomok om eksistem marin id Malaysia.

Huguan Upisol Eksekutif SET Dr Rahimatsah Amat minoboos ponuidangan komontilian dino nopo nga iso kahantazan id suang popoinsavat ponoinaan sandad potinagas om sandad posoihi kopitanud miampai koubasanan id kogumuan pogun kobuu.

“Ounsikou zou tu manifesto Pakatan Harapan mamadandi montok papaadang kotundan ikonomi miampai panamangan sandad posoihi.

“Komontilian diti papanau tonggungan kiguno id suang mongintong jominan dino otuhuk tu piipio koupisan polinta kopoguhu miaga do Koupisan Pias, Koupisan Panamangan Mamaamasi Tosizau om Taman Pogun (Perhilitan) miampai Koupisan Taman Daat Malaysia id siibo boogizan kuasa disido.

“Nogi vagu, komontilian nga kitonggungan id suang popituubung ponoinaan sandad potinagas miampai Sabah om Sarawak,” ka disido kuminaa Bernama

Pakatan Harapan nga nakadandi montok monoizuk mahik ikoton om kootulan sandad posoihi id Malaysia diti mooi kopiaga miampai koubasanan tavasi sompomogunan, ka disido.

“Mongunsub izikoi polinta montok poposuang Koupisan Ponginsadaan id siibo sandad potinagas om sandad posoihi saasabp no do sandad ponginsaaan id suang pitakasan wilayah dagai om Zon Ikonomi Eksekutif (EEZ) id suang kokusutan di noindamaan,” ka disido. Bernama

 
By :
 
New Sabah Times