Kinodong mahik pogoduan imigresen: Thian Chua monongkotohuod

 

KUALA LUMPUR: Naib Polosiden Parti Keadilan Rakyat (PKR) Tuan Chua mamason kotohuadan kumaa Vozoon Montili Sabah di kopipihi, Datuk Seri Mohd Shafie Apdal tu minongodong mahik pogoduan imigresen kumaa disido om Nurul Izzah Anwar i nogi Naib Polosiden parti dino.

Minoboos i Tian Chua pogoduan imigresen i pinoontok do polinta poguhui diti mogodu dioho sumuang pogun diti, nga miampai kosimbanon polinta momolinta, humansan isido kaanu mumpazat monoodo Malaysia di progesif.

“Sumoomo zou mimpai Datuk (Mohd) Shafie montok mamason kotohuadan kumaa disido id lahan soosondi, dati ontok Ramadan. Ounsikou zo utu timpu diti kaanu sumoomo layat id Sabah,” ka disido id suang kointahangan id doiti di koniab.

Songkoniab, kahapas minonimpuun kalaja, Mohd Shafie minonuu mooi pogoduan sumuang Sabah kumaa buuan mantad Pakatan Harapan (PH) mantad Semenanjung kodongon mahik.

Tian Chua i nogi Puu Parlimen Batu sohinaid duvo penggal mantad po 2008 gisom 2018, nga monongkotohuod kumaa mongundi id Sabah om Sarawak id sakadai tagazo dioho kumaa tikoon Parlimen kumaa PH ontok Pomihian Tagazo (PRU14) di ko 9 Vuhan Kohimo nakatahib.

Minoboos isido piomungan 25 tikoon mogisusuvai tinau dino kaanu nodii PH majority touhan ontok PRU14. “Monongkotohuod izikoi kumaa layat Sabah om Sarawak id sokodung tatahang dioho kokomoi abaabazan reformasi PH om Warisan,” ka disido. Bernama

 
By :
 
New Sabah Times