PH au monoimo puu mantad parti momolinta poguhui diti

 

PUTRAJAYA: Huguan Montili Tun Dr Mahathir Mohamad minoboos Pakatan Harapan (PH) au monoimo puu mantad parti di naaha id suang Pomihian Tagazo Ko-14 (PRU14).

Ponikoon PH dino minoboos ogumu puu parti politik mantad polinta poguhui diti anangan montok mumpazat PH. “Noihaan dotokou layat au kaanu monoimo dioho. Saasabap no dino, izioho au apatut toimoon montok dumadi puu.

“Pinopoimagon izioho humabus parti miaga UMNO om popoiho sokodung kumaa polinta nga (izioho) au kavasa dumadi puu id suang parti polinta (PH),” ka disdio ontok pitimbungakan media id Yayasan Kepimpinan Perdana id doiti, di koniab.

Minoboos i Dr Mahathir au mimang o layat puu pulitik polinta haid mangahung polinta kavavagu.

“Layat au mongintong avasi kumaa puu pulitik mantad polinta poguhui diti montok mumpazat PH tu au mimang polinta kavavagu diti okito miaga polinta haid. Saasabap no dino, kaampazatan dioho au aanu monoimo,” ka disido.

Songkoniab, Huguan Kointahangan PPBM Hongkod Datuk Kamaruddin Md Noor minoboos parti dino au monoimo upalai kosuangan kavavagu potitikid tadau kaampai no buuan om puu UMNO mantad pototongkop uvang di Kelantan.

Sundung i do ingkaa, minoboos i Kamaruddin saviavi upalai kavavagu montok mumpazat PPBM oviton kumaa mitingan Puu Kounsol Takavas parti dino id suang timpu au nodii ahaid.

Ontok di ko 14 Vuhan Kohimo, id Perak, Puu Dewan Koundangan Pogun (ADUN) Sungai Manik Datuk Zainol Fadzi Paharuddin miampai apat buuan suvai vookon 200 puu UMNO i pinopoimagon humabus UMNO om mumpazat PPBM Perak.

Dr Mahathir nopo nga ponikoon PPBM. Bernama

 
By :
 
New Sabah Times