Kotombuhuzan koiso di Jenifer id IPD Penampang

 

Di EDDIE ANGAT

PENAMPANG: Puu Dewan Koundangan Pogun Moyog Jenifer Lasimbang minonoodo kotombuhuzan koiso disido kumaa tinimungan pulis Penampang (IPD Penampang) mantad no kinahantazan disido id Pomihian Tagazo Ko-14 (PRU14) di kavavagu diti.

Ogumu ahal pinohombus di Lasimbang nogi pinopohombus kotohuadan dioho kumaa pulis id suang popotounda koumohigan om kotoonongon ginumuan ontok timpu kotimpuunan, kopomihian poingkakaton, timpu kimpin om gisom no pomihian.

Humansan i Lasimbang kaanu popotihombus pionitan kalaja dioho miampai boogizan pulis id suang mongintong Penampang, om hoohobi no id Moyog, tampat di hobi atampasi.

Naamot dino, Huguan Pulis Uvang Penampang DSP Haris Ibrahim monongkotohuod kumaa Lasimbang id kinahantazan disido om nopihi sabaagi puu Hahansanon Moyog.

Minoboos isido sundung tu iso polinta kavavagu di notuidong, tomoimo o pulis misokodung miampai polinta di nopihi baino diti montok manaak kotoonongon om kaadangan id kinoizonon dino om hoohobi no kozo Moyog om Penampang

 
By :
 
New Sabah Times