Mogisuusuai ababayan ponuang Kaamatan watas Tambunan ko 19tw diti

 

TAMBUNAN: Limunduk Ramai Kaamatan nayatan Watas Tambunan kaanjur do ko 19tw diti obontol id Pisompuruan Square, Pitomuan Kakadayan Tambunan do hiti.

I Upisor Watas Tambunan i po nogi’ Ponorikohon Komitikuasa’ Takawas Thomas Logijin minoboros, Ramai Kaamatan nayatan watas dilo’ i nokoindalan pointonod di ko 12tw Kolimo di katalib mogisusuai ababayan om pinialaan nokoindalan.

“Ramai Kaamatan diti tinimpuunan do Tambunan Kaamatan Charity Ride om nogi’ pialaan migayat lukug poingukab Tambunan.

“Ontok di ko 15tw nopo nga’ pinoindalan pinialaan Minsingilo Do Boros Kadazan Dusun, naamot ko 16tw Kolimo (konihab), pinapanau panantaban Sugandoi om Sodop Huminodun.

“Ko 17tw Kolimo (baino’), ababayan nopo di poindalanon nga’ Sodop Manangon (KDM Folklore Story Telling Night) om Konsot Kaamatan Tinimungan Estranged, susuhutonon do pialaan panantaban sipak raga om buul tapapon kokusaian om koonduan nogi’ pokiikitanan asil pinomutanaman om tayam do ko 18tw Kolimo (suab),” ka disio soira’ rinubaan id upis disio do hiti, konihab.

Pinopoilo isio wookon koindalan do ko 19tw diti nopo nga’ pokiikitanan asil pomutanaman om kapadagangan tinunturu’, sipoot koubasanan, pialaan manangon, pokiikitanan koubsanan, kaparangahan koir, pokiikitanan monuntung tagung om sayau sumazau, magavau, momolihis miampai artis i kapaampai di Rosario Niny om ogumu’ po i suai.

Nalap po nogi’ disio tulun ginumuan do rumikot mooi ampai id karaaramaian dilo’.- Di RIZALMI LIMAN

 
By :
 
New Sabah Times