APMM minanaan padau noihaan gunoon momboos sada

 

TAWAU: Agensi Monguasa Maritim Malaysia (APMM) Tawau nakapanaan iso padau monginsada i noihaan monginsada momoguno kaganapan koobus id uvang pitakasan Pulau Bohey Dulang, Semporna di koniab.

Huguan Zon Maritim Tawau, Kpt. Maritim Romli Mustafa minoboos ontok minonoodo koponoizukan id uvang dino di kuang hobi jam ko 1.16 minsusuvab iso tinimungan monoizuk nakapanaan iso padau monginsada i sinakaza tohu kusai kiumul vagu gisom 40 toun.

“Asil pinomolisaan kumaa padau dino nokosoomo onom butul noihaan bom sada om saviavi di tinaan aiso do nuununu suat kointutunan di pinasaga,” ka disido id suang iso kointahangan id doiti di koniab.

Minoboos isido saviavi dit inaan om padau dino noovit suminuang id lolokiton Kem Azumi, Semporna montok koponoizukan poingonop om kiis soizukon id siibo Akta Ponginsadaan 1985 om Akta Imigresen 1959/63.

Ontok timpu dimiaga, minoboos i Romli abaabazan monginsada momoguno kagapanan koobus nopo nga kahasa id undang-undang tu kopomiumbaki ekosistem daat om terumbu karang.

“Boogizan Maritim Malaysia mongintong tavavagat kumaa abaabazan momboos sada om haang tokodou onuon kumaa noonomb minsosonguhun di noihaan kogompit id suang abaabazan diti,” ka disido. Bernama

 
By :
 
New Sabah Times