KO 3 VUHAN KOSIZAM KOTONTUAN UPALAI MOHD SHAFIE POPOTOOD SAMAN DI MUSA

 

KOTA KINABALU: Kuut Takavas, id doiti, pinapatantu ontok ko 3 Vuhan Kosizam mikot montok monoodo kotontuan nung monoimo toi ko monulak upalai Vozoon Montili Sabah Datuk Seri Mohd Shafie Apdal montok popotood saman bagas Vozoon Montili Tan Sri Musa Aman i monginam kopomihian disido sabaagi vozoon montili Sabah.

Hakim Kuut Takavas Datuk Yew Jen Kie pinapatantu tadau dino kahapas minokinongou bobooson mantad luyal i huminasan duuduvo boogizan id pibaasan ponoinaan kiis dino, di koniab.

Mohd Shafie huminansan luyal Datuk Douglas Lind montok Musa huminansan di luyal Tengku Fuad Tengku Ahmad. Minoboos kuminaa magaganu abal, Tengku Fuad minoboos nung kuut papasaga upalai Mohd Shafie montok popotood kiis sabam dino, boogizan Musa saaagi plaintif monoodo kopokinsianan.

Sundung i do ingkaa, nung upalai Mohd Shafie dino au otoimo, kuut papatantu tadau pombisalaan kiis saman Musa kumaa di Mohd Shafie montok kinongoon id kuut, ka disido.

Ontok ko 5 Vuhan Koonom, Mohd Shafie minongupalai montok popotood saman di pinosoguhu disido, ino nopo nga Musa id savat saasabap do Musa aiso saasabap poinpatut montok monginam kopomihian disido sabaagi vozoon montili ontok di ko 12 Vuhan Kohimo.

Ontok di ko 6 Vuhan Koonom, Musa i nogi Ponikoon Barisan Nasional (BN) Sabah pinopofail saman kavavagu kuama Yang Dipertua Negeri Tun Juhar Mahiruddin om Mohd Shafie montok mamaganti saman di pinofail 17 Vuhan Kohimo nakatahib, mongupalai kopomoiganan Musa potindooi sabaagi vozoon montili Sabah di poimpatut. Bernama

 
By :
 
New Sabah Times