Komontilian Koonduan papaadang pibaasan gontob umul tosiibo misasavo

 

PUTRAJAYA: Komontilian Koonduan om Kotundaan Paganakan papaadang pibaasan kokomoi atag popoinsavat gontob umul tosiibo pisasavaan kumaa 18 toun piagahon 16 toun babaino.

Monunuat Pulitik kumaa montili dino Rodziah Ismail minoboos iti kopitanud miampai pilotian polinta kokomoi ahal dino miaga di pinoboos di Kumoduvo Huguan Montili Datuk Seri Dr Wan Azizah Wan Ismail i nogi Montili Koonduan om Kotundaan Paganakan ontok di ko 2 Vuhan Kotuu nakatahib.

Mitingan montok miboos ahal dino popoompit mogisusuvai komontilian miampai agensi suvai mositi mogium sinuan piahatan undang-undang Islam om sivil, ka disido ontok pitimbungakan media, id doiti di koniab.

Ahal gontob umul tosiibo pisasavaan nadadi pongintangan mogiigizon sumusuut luputan kokomoi songuhun kusai kinoizonon kiumul 41 toun minanansavo tanak tuhun Thailand kiumul 11 toun vuhan nakatahib.

Ahal dino nakaabal id media social om pinopoimbuhai pongunsuban mooi gontob umul tosiibo pisasavaan poinsavaton.

Tumanud Enakmen Paganakan Islam i pinoimagon id saviavi pogun, umul tosiibo montok minsasavo montok kusai nopo nga 18 toun montok tondu 16 toun om nung izioho id siibo umul, piasavaan pasagaon nung kivaa kasagaan kuut om piokunan mohoingon dioho.

Naamot dino, pinopointahang i Rodziah kootulan kalaja standard (SOP) sabaagi pongintangan kumaa hakim poguhui papasaga pisasavaan siibo umul nopo nga id boogizan kuasa Koupisan Kehakiman Syariah Malaysia, okon komontilian dino. Bernama

 
By :
 
New Sabah Times